AP
Сёння ў Стакгольме абвясцілі імя нобелеўскага лаўрэата па літаратуры. Ім стаў амерыканскі спявак і пісьменнік Боб Дылан.
Прэмія прысуджана з фармулёўкай «За стварэнне новай паэтычнай мовы ў вялікай амерыканскай песеннай традыцыі».
Боб Дылан (сапраўднае імя Роберт Цымерман) нарадзіўся ў 1941 годзе ў Дулуце (Мінесота). Ягоныя продкі паходзілі, у тым ліку, з Расійскай імперыі.
Дылан — сусветна вядомы аўтар-выканаўца, мастак, пісьменнік і кінаакцёр. Культавая постаць у рок-музыцы.
Боб Дылан пачаў музычную кар'еру ў канцы 1950-х і стаў вядомы як фолк-музыка, які абапіраўся на традыцыйную амерыканскую музыку. У 1965 году Дылан выпусціў першы электрычны альбом Bringing It All Back Home, які спачатку выклікаў пратэсты ў яго прыхільнікаў, але пасля стаў прызнанай класікай.
Па версіі часопіса Rolling Stone, Боб Дылан займае другое месца ў спісе самых уплывовых выканаўцаў у гісторыі музыкі.
Боб Дылан упершыню выйшаў на сцэну ў 1961 годзе ў кавярні «Газніца» ў нью-ёркскім квартале Грынвіч-Вілідж.
Ён пачынаў сваю кар’еру з выканання народных песняў і твораў Вудзі Гатры. За два гады Дылан стане сусветнага маштабу зоркай фолк-музыкі, а праз чатыры — перавынайдзе рок-музыку.
Like a Rolling Stone
Песню Like a Rolling Stone музычныя крытыкі лічаць адной з самых значных у гісторыі.
The Times They’re a-Changin’
У 1964 годзе Дылан стварыў песню, простая мелодыя і паэтычны тэкст зрабілі яе гімнам пратэсту.
Knockin' On Heaven's Door
Яшчэ адзін шэдэўр — Knockin' On Heaven's Door: