20.10.2016 / 11:22

Людзі, якія назбіралі 10000 подпісаў за ўшанаванне нацыянальнага сцяга Беларусі ФОТЫ 25

Радыё «Свабода» пацікавілася, хто стаяў у пікетах за наданне бел-чырвона-беламу сцягу статусу нематэрыяльнай гісторыка-культурнай каштоўнасці. Як кажа адзін з арганізатараў Зміцер Дашкевіч, зварот у Міністэрства культуры падтрымала амаль 10 тысяч чалавек.

Адзін з арганізатараў збору подпісаў — цясляр Зміцер Дашкевіч.

Раней да збору подпісаў далучаўся нават 91-гадовы ветэран вайны Мікалай Сурын:

Збор подпісаў у пераходзе каля плошчы Якуба Коласа:

На фота: збірае подпісы малады хлопец Канстанцін. Да пікету ён вырашыў далучыцца на наступны дзень пасля таго, як паставіў свой подпіс на бланку. На пікет ён прыйшоў пасля работы і за некалькі гадзін паспеў сабраць каля трыццаці подпісаў. «Мы павінны разумець, што цяперашні дзяржаўны сьцяг прадстаўляе не найлепшы перыяд нашай гісторыі. А нацыянальны беларускі сцяг дагэтуль не мае ніякага статусу».

Раней на Якуба Коласа збіраў подпісы таксама Мікіта Наглін (справа).

Пікет у пераходзе на станцыі метро Малінаўка:

Тут збірае подпісы студэнт аднаго з менскіх ВНУ Арцём. За няпоўныя два дні на гэтым месцы яму ўдалося сабраць больш за 200 подпісаў. 

Збор подпісаў на станцыі метро «Інстытут культуры»:

Сябра Маладога фронту Сяргей Пальчэўскі збірае подпісы ад пачатку кампаніі. На сёння на ягоным рахунку больш за 1600 штук.

«Мы пакажам людзям, што выходзіць на вуліцы з бел-чырвона-белым сцягам і не баяцца — гэта нармальна», — кажа ён.

Наталля Качаноўская, якая прынесла на пікет на станцыі метро «Кастрычніцкая» бланкі з подпісамі, зьбірала іх у сваім доме ды на вуліцах:

«За савецкім часам я нават і не ведала пра бел-чырвона-белы сцяг. Калі пабачыла яго ўпершыню, ён мне вельмі спадабаўся», — кажа Наталля Качаноўская.

3
Andruś / Адказаць
20.10.2016 / 11:29
8 чалавек і 10 тысяч - гэта зусім ня блага! Малойцы тыя, хто зьбірау, вялікі дзякуй тым, хто паставіу свай подпіс за БЧБ.
3
Knot / Адказаць
20.10.2016 / 11:30
Дзякуй вам усім, шаноўныя! Так робіцца Гісторыя. Праз неабыякавасць, праз адарванне задніцы ад канапы, праз нязручнасці, праз ахвяраванне ўласным часам, нервамі, здароўем. Вы ўсе - героі.
7
Dzmitry / Адказаць
20.10.2016 / 11:36
Растлумачце мне толькі, чаму ў адным пераходзе на адлегласці ў 15-20 метраў подпісы збіралі два чалавека, а ў Сухарава - ні аднаго?!
Паказаць усе каментары/ 25 /
Каб пакінуць каментар, калі ласка, актывуйце JavaScript у наладах свайго браўзеру