21.10.2016 / 13:26

У Маладзечне на прадпрыемстве работнікам прапанавалі малако ў залік заробку 18

У Маладзечне на адным з прадпрыемстваў супрацоўнікам прапанавалі малако ў залік заробку. Пра гэта паведамілі карыстальнікі сацыяльнай сеткі Вконтакте ў групе «Молодечно Live». Яны змясцілі фотаздымак абвесткі, у якой адміністрацыя прадпрыемства прапануе работнікам такую незвычайную форму аплаты іх працы:

«У сувязі з цяжкім фінансавым становішчам і адсутнасцю грашовых сродкаў на выплату заробкаў просьба ўсім работнікам да 19.10.2016 запісацца ў дыспетчарскай на атрыманне прадукацыі гармалзавода ў залік заробку за верасень 2016 г.», — сказана ў абвестцы.

Як высветліла Еўрарадыё, гаворка ідзе пра адно з транспартных прадпрыемстваў Маладзечна. Нам удалося дазваніцца туды і высветліць, каму і на якіх умовах прапануюць натураплату. Вось што паведамілі ў адміністрацыі:

«Гэта па жаданні, калі хочаце. Хто хоча на 100, хто хоча на 150 рублёў. Прапанавалі ўзяць масла і закрыць так. Проста арганізацыя так закрывае з намі сваю «дэбіторку».

Прасцей кажучы, малочны завод завінаваціўся транспартнікам і цяпер разлічваецца з імі сваёй прадукцыяй. А транспартнікі ў сваю чаргу прапануюць сваім работнікам малочныя прадукты ў залік заробку.

Карыстальнікі Вконтакте, каментуючы навіну пра натураплату, прыгадваюць іншыя падобныя выпадкі:

«Летам у калгасе два месяцы не выдавалі заробак, а потым выдалі курамі (жывымі) і тушонкай».

0
LMI / Адказаць
21.10.2016 / 13:50
Так гэта ж як у той рэкляме - п'ю і пісаю. А бублік які каб не адным малаком душыцца не прапаноўваюць?
0
павлик / Адказаць
21.10.2016 / 13:52
Хорошо что не веревку с мылом!!
0
алекс / Адказаць
21.10.2016 / 13:59
Что в сухом остатке? О чем новость? Банкротство нынешней модели "хрустального сасуда". Теперь понятно что "социально-ориентированная" модель экономики это когда зарплату выдают "трусами", "носками" и прочими социально-значимыми продуктами. Читай когда работаешь за "миску супа".
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру