21.10.2016 / 15:13

Гэта будзе самая эканамічная еўрапейская Алімпіяда. Рыжанкоў распавёў аб Еўрапейскіх гульнях 24

21 кастрычніка ў Мінску падчас Генеральнай асамблеі Еўрапейскіх алімпійскіх камітэтаў было прынята рашэнне, што Беларусь прыме Другія Еўрапейскія гульні ў 2019 годзе.

Reuters.com

Першы віцэ-прэзідэнт НАК Беларусі Максім Рыжанкоў распавёў пра фармат іх правядзення, гатоўнасць спартыўнай інфраструктуры краіны, кошт правядзення і чым яны будуць адрознівацца ад першых гульняў у Баку.

— Дасягнута дамоўленасць аб тым, што фармат правядзення гульняў будзе цалкам узгоднены еўрапейскімі алімпійскімі камітэтамі з беларускім бокам, — падкрэсліў Максім Уладзіміравіч. — Колькасць відаў спорту будзе роўна такой, якая дазваляе правесці спартыўнай інфраструктуры Беларусі без укладання сродкаў у будаўніцтва новых арэн і палацаў.

Сяліць спартсменаў плануецца ў студэнцкай вёсцы, якая цалкам падыходзіць для такога роду мерапрыемстваў і ад нас не спатрэбіцца дадатковых укладанняў.

Віды спорту будуць адабраныя такім чынам, каб улічыць інтарэсы беларускага боку ў прадстаўленні тых відаў спорту, якія ў першую чаргу цікавыя нам.

Пры гэтым немалаважна тое, што гэтыя віды спорту будуць мець ліцэнзійны статус для адбору на Алімпійскія гульні ў Токіа ў 2020 годзе.

Арганізацыяй тэлетрансляцыі зоймецца створаны сёння пры Міжнародным алімпійскім камітэце тэлевізійны канал, ён возьме на сябе ўсе выдаткі.

— Новы канал гатовы падключыць самыя сур'ёзныя рэсурсы для гэтай мэты, - падкрэсліў першы віцэ-прэзідэнт НАК Беларусі.

Таксама Еўрапейскія алімпійскія камітэты возьмуць частку фінансавай нагрузкі на абслугоўванне і забеспячэнне спартсменаў, якія прадставяць свае краіны на гульнях, аж да поўнай аплаты пралёта атлетаў у Беларусь і назад.

Плануецца стварэнне агульнай маркетынгавай службы, якая зоймецца стварэннем прадукту, брэнду і яго рэалізацыі для пакрыцця расходаў на правядзенне гульняў.

Рыжанкоў адзначыў той факт, што пры правядзенні гэтых гульняў няма паняцця «заказчык» і «выканаўца Беларусь», а ёсць паняцце «партнёрства пры іх правядзенні», што аднолькава важна як для нас, так і для ЕАК.

- Агульная адказнасць азначае падзел і ўсіх фінансавых рызык і выдаткаў, - дадаў першы віцэ-прэзідэнт НАК.

Адказваючы на пытанне, колькі Беларусь выдаткуе на правядзенне гэтага мерапрыемства, Рыжанкоў заявіў, што пакуль калькуляцыя яшчэ не праводзiлася.

— Грошы спатрэбяцца на навядзенне парадку ў гарадах, на адаптацыю спартыўных збудаванняў да канкрэтна нейкім спаборніцтвам, на пытанні бяспекі, медыцынскага суправаджэння і абслугоўвання, харчавання і пражывання атлетаў. Можна казаць пра тое, што гэтая сума будзе на парадак, у разы менш, чым пры правядзенні першых гульняў у Баку і Алімпіяды ў Рыа, - сказаў Максім Уладзіміравіч.

Акрамя таго, ЕАК паставіўся з разуменнем да той інфраструктуры, якая сёння магчымая для задзейнічання пры правядзенні гульняў, і яна ўсіх задавальняе. Таму пытанне аб нейкіх дадатковых укладаннях у спартыўную інфраструктуру здымаецца.

— Як падкрэсліў прэзідэнт Лукашэнка, і гэта было прынята еўрапейскімі камітэтамі, такія тэмы, як VIP-суправаджэнне сур'ёзных гасцей, цырымоніі адкрыцця і закрыцця гульняў, будуць насіць характар дастойны, але душэўны, а не пампезны, што будзе мець на ўвазе зусім іншае вылучэнне сродкаў.

На думку Рыжанкова, правядзенне Другіх Еўрапейскіх гульняў запатрабуе сур'ёзнай мабілізацыі рэсурсаў Міністэрства спорту, бюджэту горада Мінска, рэспублікі, Міністэрства аховы здароўя, Міністэрства ўнутраных спраў, памежнікаў, мытні.

- Але гэта будзе самая эканамічная еўрапейская Алімпіяда. Гаворка ідзе пра некалькі дзясяткаў мільёнаў даляраў, - упэўнены Максім Рыжанкоў.

Для гасцей гульняў, якія прыедуць у Беларусь, плануецца бязвізавы рэжым.

- Адкрыем межы для ўсіх. Будзе створана спецыяльная рабочая група, якая дапрацуе ўсе пытанні, — сказаў Рыжанкоў.

0
Я / Адказаць
21.10.2016 / 15:22
А дзе будзеце праводзіць спаборніцтвы па плаванню і водным пола ў межах гэтай Алімпіяды? Давядзецца будаваць і тады гэта будзе не самая танная Алімпіяда...
4
павлик / Адказаць
21.10.2016 / 15:25
Будут все бегать в лаптях по сенокосу!!
0
Мікола / Адказаць
21.10.2016 / 15:27
>> VIP-суправаджэнне сур'ёзных гасцей, цырымоніі адкрыцця і закрыцця гульняў, будуць насіць характар дастойны, але душэўны, а не пампезны, што будзе мець на ўвазе зусім іншае вылучэнне сродкаў. Тлумачу на бабрыную мову: у аэрапорце Лука будзе стаяць з маркоўкай і даваць кусаць VIP гасцям. Адначасова і дзёшава, і душэўна...
Паказаць усе каментары/ 24 /
Каб пакінуць каментар, калі ласка, актывуйце JavaScript у наладах свайго браўзеру