21.10.2016 / 15:55

Мінчане дамагліся адмены будаўніцтва шматпавярховіка на скрыжаванні вуліц Пляханава і Васняцова 4

Пасля працяглай барацьбы жыхары дамагліся адмены будаўніцтва другога 19-павярховага дома на скрыжаванні вуліц Васняцова і Пляханава ў Мінску, паведаміў каардынатар грамадскага руху «Генплан — для мінчан!» Дзяніс Кобрусеў.

З 2014 года жыхары Заходняга пасёлка выступалі супраць будаўніцтва двух шматпавярховак. Яны адзначалі, што вышынныя дамы спрыяюць забруджванню паветра ў раёне, і прасілі ануляваць рашэнне Мінгарвыканкама аб даванні фірме «Атлант-М Буд» зямельнага ўчастка. На думку жыхароў, экспертныя заключэнні РУП «Галоўдзяржбудэкспертыза» па ўзвядзенні аб'ектаў выдадзеныя з парушэннем устаноўленага заканадаўствам парадку, а будаўніцтва ўзгодненае насуперак рэгламентам генеральнага плана Мінска і дэталёваму плану забудовы раёна. Жыхары паказвалі і на тое, што замест зацверджанага праектам 9-павярховага дома ўзведзены 19-павярховы.

«Учора і сёння кампанія-забудоўшчык дэмантуе будаўнічую пляцоўку. Усё ж такі былі прызнаныя шматлікія парушэнні, праверку вядзе пракуратура. Праўда, на ўсе дакументы яна паставіла грыф «Для службовага карыстання», — адзначыў Кобрусеў.

Паводле яго слоў, забудоўшчык паведаміў ініцыятыўнай групе жыхароў, што яму не працягнуты акт выбару зямельнага ўчастка і таму яны згортваюцца. «З першым ўжо пабудаваным домам таксама ёсць праблемы. Ён, паводле нашых звестак, прызнаны самабудам, і ўладальнікі кватэр пятага паверха і вышэйшых не могуць атрымаць тэхпашпарты. Сітуацыя з засяленнем пакуль вырашаецца», — сказаў актывіст.

Ён падкрэсліў, што згодна з нядаўна зацверджаным карэктаваннем генплана Мінска на гэтай тэрыторыі магчымае будаўніцтва аб'ектаў вышынёй не большай за 15 метраў.

«Спыненне будаўніцтва жыхары ўспрымаюць пазітыўна як для сябе, так і для Мінска. Мы ўсе радуемся, таму што дамагліся поспеху пасля шматгадовых намаганняў па прызнанні парушэнняў. У рэшце рэшт гэтую будоўлю згарнулі. Гэта паказвае, што нават у самых безнадзейных сітуацыях, нават калі забудоўшчык уплывовы, не трэба здавацца, трэба працягваць кампаніі і даказваць сваю праўду», — сказаў актывіст.

0
sergg1979 / Адказаць
21.10.2016 / 16:14
Нет там проблем с тех паспортами , у всех они давно есть .
0
Bugor / Адказаць
21.10.2016 / 16:25
Што за блазен пра тэхпашпарты i засяленне? У первым доме ўжо даўно людзi жывуць!
0
Житель / Адказаць
21.10.2016 / 21:31
Хоть бы проверяли что вам дают напечатать - вы же СМИ? какие проблемы с техпаспортами??? Люди уже два года живут и платят БЕЗ ПРОБЛЕМ квартплату
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру