21.10.2016 / 22:19

Расійскія ваенныя святары правялі першы паветраны хрэсны ход на самалёце 8

Вайсковыя святары Цэнтральнай ваеннай акругі (ЦВА) на самалёце ПКС Расіі Ту-134 УБЛ упершыню правялі паветраны хрэсны ход. Маршрут праваслаўнага палёту пралягаў над Чэлябінскай вобласцю.

Кадр з відэа ТАСС

«У Чэлябінску праходзіць збор ваеннага духавенства на базе Чэлябінскага вышэйшага ваеннага авіяцыйнага каманднага вучылішча штурманаў. Нам прыйшла ідэя правесці паветраны хрэсны ход. На самалёце Ту-123 УБЛ знаходзілася больш за 30 святароў, якіх падтрымаў сваёй прысутнасцю мітрапаліт Чэлябінскі і Златавустаўскі Нікадзім», — сказаў начальнік аддзела па працы з веруючымі вайскоўцамі Штаба ЦВА Ігар Агафонаў.

На борт з сабой святары ўзялі ікону і мошчы святога Георгія Пераможцы. «Такое адбываецца ўпершыню, а паколькі заступнікам ваеннага саслоўя з'яўляецца святы велікамучанік Георгій Пераможца, мы ўзялі з сабой часціцы яго мошчаў. Увесь палёт мы чыталі акафіст Георгія, прасілі яго, каб нашы вайскоўцы праходзілі службу лёгка, каб зямля была слаўная, каб усе мы жылі ў міры і шчасліва. Мы ахінулі чэлябінскую зямлю нябёсным дабраславеннем, малітвай з паветра», — сказаў мітрапаліт Нікадзім, дадаўшы, што тэрміновую службу ў войску ён праходзіў у ВПС.

Хрэсны ход доўжыўся каля 2 гадзін на вышыні 3,5 тысячы метраў. Ту-134 УБЛ здзейсніў палёт з авіябазы Шагол, а маршрут пралягаў па ўсёй Чэлябінскай вобласці — над Чэлябінскам, Магнітагорскам, Залатавустам, Троіцкам і Усць-Катавам.

1
Ниф-Ниф / Адказаць
21.10.2016 / 23:16
Што гэта было?
1
Сергей / Адказаць
22.10.2016 / 00:15
я предлагаю их отправить в космос, с этой же благой миссией....
2
R / Адказаць
22.10.2016 / 05:17
Праходзіла навіна, але неяк хутка згубілася - "...была освящена ставшая на боевое деурство стратегическая ядерная ракета Р-36М "Сатана"..."
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру