21.10.2016 / 22:26

ТБМ прапаноўвае Нацбанку ўвесці ў абарачэнне юбілейную манету з выявай Скарыны 2

Грамадскае аб'яднанне «Таварыства беларускай мовы імя Францішка Скарыны» (ТБМ) звярнулася да старшыні Нацыянальнага банка Паўла Калаура з прапановай увесці ў абарачэнне юбілейную манету з выявай Францыска Скарыны.

«У наступным годзе ўся наша краіна будзе святкаваць 500-ю гадавіну беларускага кнігадрукавання. У сувязі з гэтым просім Вас ўвесці ў абарачэнне першую беларускую юбілейную манету з нагоды гэтай знамянальнай падзеі. Было б добра, каб гэта быў беларускі рубель з выявай Францыска Скарыны», — гаворыцца ў лісце на імя кіраўніка Нацбанка Паўла Калаура за подпісам старшыні ТБМ Алега Трусава.

Нагадаем, на гэтым тыдні ТБМ таксама звярнулася да старшыні Палаты прадстаўнікоў Уладзіміра Андрэйчанкі з просьбай весці ўсе пасяджэнні парламента на беларускай мове.

0
Sparse C / Адказаць
21.10.2016 / 22:34
Слушная прапанова, але трэба болей - абвясціць наступны 2017г. - годам Роднай Беларуская Мовы
0
Янек / Адказаць
22.10.2016 / 10:39
Юбилейная - это хорошо, но нужно вводить циркуляционную! !!!
Каб пакінуць каментар, калі ласка, актывуйце JavaScript у наладах свайго браўзеру