Аўтограф-сесія пісьменніка пройдзе з нагоды выхаду новага тыражу рамана «Белая муха, забойца мужчын».
Гэты раман — гісторыя жаночай банды, «дзевак без цара ў галаве», якія кінулі выклік патрыярхальнаму грамадству.
Хто яны: тэрарысткі, вар'яткі, мастачкі? Або проста прывіды мінулага, з якімі нечакана сустракаецца галоўны герой кнігі?
Сёлета раман увайшоў у шорт-ліст прэміі імя Ежы Гедройца і ўзяў другое месца.
«Завітвайце, пап'ем кавы, абмяркуем лёсы людзей і кніжак, папляткарым? — кажа Бахарэвіч. — Усім, хто прыйдзе, абяцаю раскрыць пару таямніцаў. Дарэчы, у снежні раман будзе ўдзельнічаць у новым праекце, скіраваным на папулярызацыю беларускай літаратуры: абазнаныя ў сюжэце і героях кнігі змогуць выйграць прызы».
0
0
0
0
0
0
