Амерыканскі пісьменнік Пол Біці атрымаў Букераўскую прэмію за свой раман «Распродаж». Ён стаў першым амерыканскім пісьменнікам, які выйграў Букераўскую прэмію.
AFP
«Распродаж» - сатырычная гісторыя цемнаскурага маладога чалавека, які спрабуе вярнуць сегрэгацыю і рабства ў адным з прыгарадаў Лос-Анджэлеса. Раман пачынаецца з судовага працэсу над апавядальнікам.
Старшыня журы Аманда Форман заявіла, што кніга разбурае ўсе сацыяльныя табу. Паводле яе слоў, суддзям спатрэбілася чатыры гадзіны, каб прыняць рашэнне.
У заяве журы гаворыцца, што раман «шакавальны і нечакана смешны».
Біці нарадзіўся ў 1962 годзе ў Лос-Анджэлесе. «Распродаж» - яго чацвёрты раман. Кніга ўжо выйграла некалькі прэмій у ЗША.
0
0
0
0
0
0