Блогера прывезлі ў суд з турмы. Ён надзеў на прысуд байку з «Пагоняй» і надпісам Belarus Pride.

У суд сабралася столькі людзей, што яны не змясціліся ў залу.

У Мінскім гарадскім судзе сёння абвешчаны прысуд блогеру Эдуарду Пальчысу. Ён быў вядомы пад псеўданімам Джон Сільвер і стварыў сайт 1863x.com.

На абвяшчэнне прысуду прыйшло больш за 100 чалавек, у тым ліку Зміцер Дашкевіч, Павел Севярынец, Павел Юхневіч, Антон Матолька, Ігар Лосік, Яўген Афнагель.

Эдуард знаходзіўся ў жалезнай клетцы і ў кайданках.

Пракурор патрабаваў асудзіць Пальчыса на 3,5 года зняволення.

Суддзя прысудзіў яго да абмежавання свабоды да 1 года 9 месяцаў. Але ў ягоным выпадку дзень у СІЗА лічыцца за два, таму застаецца каля двух месяцаў «хатняй хіміі». Пальчыса вызвалілі ў зале суда.

Зала гукае «Жыве Беларусь!», нехта разгарнуў бел-чырвона-белы сцяг.

Вось як гэта выглядала на відэа:

Эдуарда Пальчыса судзілі за ягоныя публікацыі: у дзевяці з іх суд знайшоў «экстрэмізм», а ў адной — «распаўсюд парнаграфіі».

Суд пачаўся 14 кастрычніка і праходзіў у закрытым рэжыме.

Крымінальную справу на Пальчыса завялі яшчэ ў 2015 годзе. Увосень таго года ён выехаў ва Украіну, але затым, па словах жонкі, вырашыў вярнуцца ў Беларусь. Ён меркаваў, што яго могуць затрымаць на ўкраінска-беларускай мяжы, а таму паехаў праз Расію, дзе і быў затрыманы

23 студзеня 2016 года Пальчыса змясцілі ў СІЗА Бранскай вобласці ў Расіі. У чэрвені яго экстрадзіравалі ў Беларусь.

Праваабаронцы лічаць крымінальную справу блогера палітычнай.

Так супала, што Пальчысу сёння спаўняецца 26 гадоў.

Хочаш падзяліцца важнай інфармацыяй ананімна і канфідэнцыйна?

11
алекс / Адказаць
28.10.2016 / 10:08
Вот смотрю я на этого конвоира и не испытываю к ниму ни капли злости, ненависти и т.д. а испытываю ровно тоже самое что и глядя на любого другого человека. Скажите плиз, это Стокгольмский синдром?
4
Маня / Адказаць
28.10.2016 / 10:11
В данном случае решение принимается не судом, а лично Лукашенко. Каким оно будет зависит от того насколько в данный момент он боится испортить отношения с Путиным.
5
Анцiк / Адказаць
28.10.2016 / 10:13
то добрая навина. падаецца мне, што дали меншы з магчымых
Паказаць усе каментары/ 35 /
Каб пакінуць каментар, калі ласка, актывуйце JavaScript у наладах свайго браўзеру