Чытачы з Берасця даслалі ў Рэдакцыю ліст, у якім абураліся манерай выступу беларускага шансанье Віктара Каліны.
Гэты спявак вядомы сваёй падтрымкай баевікоў Данбаса.
На канцэрт у Брэсце ён з'явіўся ў ваеннай форме, «ардэнах» і з георгіеўскай стужкай.
Цікава, што ў рэпертуары Каліны спалучаюцца песні і «пра пацаноў», і пра афіцэраў.
Пра свае ўзнагароды ён сказаў, што дзве з іх атрыманыя ў «ДНР».
Але больш за ўсё чытачоў абурыла, што Каліна нібыта быў нападпітку.
Пра гэта, маўляў, сведчаць першыя секунды апублікаванага відэа — там рухі Каліны на сцэне выглядаюць даволі ненатуральна для цвярозага чалавека.
Дарэчы, чытачы «Нашай Нівы» не патлумачылі ў лісце, як іх занесла на канцэрт Віктара Каліны.
0
0
0
0
0
0
