04.11.2016 / 18:43

Падазроны кіроўца грузавіка катаўся вакол увахода ў Дом урада і выкрыкваў абразы ў адрас Лукашэнкі 27

Раніцай 4 лістапада чытачы TUT.BY паведамілі пра дзіўны рух грузавіка ля ўвахода ў Дом урада ў Мінску - нібыта кіроўца кружыў на вялікай хуткасці ад помніка Леніну да плошчы Мяснікова. Міліцыя перакрыла рух машыне і затрымала мужчыну, які ў гэты час моцна лаяўся.

Па словах відавочцаў, затрыманне праходзіла досыць жорстка, сам кіроўца выкрыкваў абразы ў адрас прэзідэнта. На яго надзелі кайданкі і нейкі час пакінулі стаяць на каленях. Пасля таго як мужчыну адвезлі ў аддзел міліцыі, яго машына яшчэ прыкладна гадзіну заставалася стаяць каля плошчы.

Пазней прэс-служба ГУУС паведаміла, што міліцыя затрымала парушальніка ПДР, які «пашкодзіў дарожны знак у раёне плошчы Незалежнасці».

«У 8.45 затрыманы 38-гадовы мінчук, які, кіруючы аўтамашынай DAF (грузавік), груба парушыў шэраг Правілаў дарожнага руху. Дзякуючы пільным і прафесійным дзеянням міліцыянтаў ён быў затрыманы. Падчас спынення супрацьпраўных дзеянняў кіроўца вёў сябе неадэкватна, нецэнзурна лаяўся», — паведамляе прэс-служба сталічнай міліцыі.

Адзначаецца, што падчас агляду машыны следча-аператыўная група Маскоўскага РУУС знайшла ў салоне металічную курыльную люльку з рэчывам расліннага паходжання зялёнага колеру, а таксама бляшанку з аналагічным рэчывам. Знаходкі адпраўленыя на экспертызу.

У дачыненні да кіроўцы супрацоўнікамі аддзела ДАІ Маскоўскага РУУС складзеныя адміністрацыйныя пратаколы па артыкулах 18.12, 18.14, 18.17, 18.22 КоАП Беларусі.

Высветлілася, што гэты грамадзянін раней ужо трапляў у поле зроку праваахоўнікаў — з 2008 па 2016 год 19 разоў прыцягваўся да адміністрацыйнай адказнасці за парушэнне ПДР і працоўнага заканадаўства.

Праводзіцца далейшая праверка, паведамілі ў ГУУС.

nn.by

2
Крум / Адказаць
04.11.2016 / 18:54
Рэд. Хай будзе "бляшанка".
3
читач / Адказаць
04.11.2016 / 19:04
И почему я этому не удивлён? За 22 года он всем надоел.
1
по какому праву / Адказаць
04.11.2016 / 19:26
С точки зрения закона человек считается не привлекавшимся к административной ответственности по истечению года. Кто дал право МВД постоянно дискредитировать людей их прошлыми проступками?
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру