Фота: prosportkz.kz
Да канца года галоўным трэнерам зборнай Казахстана па хакеі будзе зацверджаны беларус Эдуард Занкавец. Пра гэта піша «Прессбол» са спасылкай на адказнага сакратара Казахстанскай федэрацыі хакея з шайбай (КФХ) Глеба Каратаева.
Цяпер Занкавец узначальвае ХК «Барыс» з Астаны. На гэтую пасаду ён быў прызначаны 7 верасня.
Па словах Каратаева, традыцыйна галоўны трэнер «Барыса» працуе і з нацыянальнай камандай.
Дарэчы, Занкавец у 2010-2011 гадах быў галоўным трэнерам нацыянальнай зборнай Беларусі.