Прэзідэнт Украіны Пятро Парашэнка заяўляе пра адсутнасць якой-небудзь інфармацыі аб дамоўленасці паміж ЗША і РФ пасля прэзідэнцкіх выбараў, якія прайшлі ў ЗША.
Пра гэта ён сказаў на прэс-канферэнцыі ў Стакгольме, адказваючы на пытанне журналіста аб асцярогах умацавання супрацоўніцтва паміж ЗША і РФ, у тым ліку па лініі прызнання акупаванага Крыма расійскім, паведамляе «Інтэрфакс-Украіна».
«У мяне няма ніякай інфармацыі адносна нейкіх дамоўленасцей паміж ЗША і Расіяй. Пытанне Крыма ляжыць не ў плоскасці адносін ЗША і Расіі», — сказаў ён.
Парашэнка нагадаў, што ні адна дзяржава ў свеце, акрамя Паўночнай Карэі, не прызнала прыналежнасць акупаванага Крыма Расійскай Федэрацыі.
«Але ж ЗША — гэта не Паўночная Карэя, таму давайце паважаць народ ЗША і іх прэзідэнта. Я не магу сабе нават уявіць такую сітуацыю», — сказаў прэзідэнт Украіны.
Парашэнка выказаў упэўненасць у тым, што новы прэзідэнт ЗША будзе «трывалым і моцным, і, несумненна, будзе партнёрам Украіны».