29.06.2008 / 23:39

Гішпанія – чэмпіён Эўропы! 7

Зборная Гішпаніі перамагла ў фінальным матчы каманду Нямеччыны зь лікам 1:0 і стала двухразовым чэмпіёнам кантынэнту.


Гол Фэрнанда Торэса

Зборная Гішпаніі перамагла ў фінальным матчы ў Вене каманду Нямеччыны зь лікам 1:0 і стала двухразовым чэмпіёнам кантынэнту.

Матч глядзеўся весела і жвавенька, у адрозьненьне ад мінулага фіналу: Партугалія – Грэцыя.

Ад сярэдзіны першага тайму падапечныя Луі Араганэса завалодалі ініцыятывай і амаль не выпускалі яе да канца матчу.

Прыкладна на 25-й Фэрнанда Торэс (Лівэрпуль) меў 150-працэнтны момант. За немцаў заступіліся спачатку штанга, потым іх варатар – Леман.

На 33-й хвіліне Торэс свой мяч забіў, пасьля прыгожага праходу, абагнаўшы самога Філіпа Лама.

У другім тайме гішпанцы ня толькі ня сышлі ў глухую абарону, але наадварот павялічылі частату атак і мелі колькі выдатных момантаў, але не шанцавала, ці выручаў вэтэран Леман.

А ўсе атакі немцаў або рассыпаліся аб абарону падапечных Араганэса ці аб рукі Касільяса.

Праз 44 гады Гішпанія зноў чэмпіён Эўропы. І гэтым разам абышліся без Рауля, якога Араганэс перад чэмпіянатам не ўключыў у заяўку.

Гішпанцы ня прайгралі на чэмпіянаце ніводнага матчу, атрымаўшы шэсьць перамог і забіўшы 12 мячоў (Расея -- 4:1, Швэцыя -- 2:1, Грэцыя -- 2:1, Італія -- 0:0, 4:2- пэнальці, Расея -- 3:0, Нямеччына -- 1:0).

Капітан чырвонай фурыі Ікер Касільяс, відавочна, — найлепшы галкіпер чэмпіянату: у асноўны час у плэй-оф ён не прапускаў, а ў сэрыі пэнальці зь Італіяй парыраваў два мячы.

Найлепшы снайпэр — таксама гішпанец. Гэта Давід Вілья (4 мячы), які ў фінале, праўда, праз траўму не гуляў.

Карацей, чыстая перамога.

Ул. інф.

0
Андрэй / Адказаць
29.06.2008 / 23:58
навошта пісаць такую лухту: "150-працэнтны момант". Гэта як? 150% -- гэта 1.5 гола?
0
byllion / Адказаць
30.06.2008 / 00:01
Брава Гішпанія! Відовішча было цудоўнае! Калі ўжо ў нас так будуць гуляць?
0
ТТ / Адказаць
30.06.2008 / 00:08
А навошта клічнік?????????????????????????????????????????????
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру