21.11.2016 / 17:39

Патрыярх Кірыл: РПЦ ніколі не дапусціць аддзялення Украінскай царквы 75

Руская праваслаўная царква (РПЦ) ніколі не пагодзіцца на незалежнасць Украінскай царквы ад Маскоўскага патрыярхату, заявіў патрыярх Маскоўскі і ўсяе Русі Кірыл. Пра гэта піша ВВС. 

Getty

«Наша Царква ніколі не пакіне ў бядзе сваіх братоў на Украіне і не адмовіцца ад іх. Мы ніколі не пагодзімся на змяненне святых кананічных межаў нашай Царквы, бо Кіеў — гэта духоўная калыска святой Русі, як Мцхета для Грузіі ці Косава для Сербіі», - - сказаў патрыярх Кірыл у храме Хрыста Збавіцеля на ўрачыстым мерапрыемстве з нагоды свайго 70-годдзя.

Як сказаў патрыярх, сёння Украінскую царкву спрабуюць «уцягнуць у глыбокі канфлікт, які падзяляе грамадства, і зрабіць яе закладніцай гэтага канфлікту».

«Адбываюцца гвалтоўныя захопы храмаў, ігнаруюцца рашэнні судоў, вядзецца інфармацыйная кампанія супраць Царквы, ва ўкраінскім парламенце прапануюцца законапраекты, мэта якіх — дыскрымінаваць і паставіць у найцяжэйшыя ўмовы найбуйнейшую рэлігійную суполку краіны», — сказаў прадстаяцель РПЦ.

Ва Украіне цяпер дзейнічаюць тры праваслаўныя рэлігійныя арганізацыі: Украінская праваслаўная царква Маскоўскага патрыярхату і непрызнаныя РПЦ — Кіеўскі патрыярхат (створаны ў 1990-я гады) і Украінская аўтакефальная праваслаўная царква (створаная ў 1917 годзе).

Прэзідэнт Украіны Пятро Парашэнка неаднаразова выступаў за стварэнне ў краіне памеснай Праваслаўнай царквы. Адна з мэтаў гэтай ініцыятывы — цалкам аддзяліць Украінскую праваслаўную царкву ад Маскоўскага патрыярхату.

У чэрвені Вярхоўная Рада зацвердзіла гістарычны зварот да Усяленскага патрыярха з просьбай надаць украінскай праваслаўнай царкве аўтакефалію, што стала б крокам да будучага прызнання кананічнасці УПЦ Кіеўскага патрыярхату.

nn.by

8
Кажыма праўду / Адказаць
21.11.2016 / 17:49
РПЦ – шабас сатанінскіх пярэваратняў на паслугах імперыялістычных крывасмокаў. Няхай жывуць аўтакефальныя БПЦ ды УПЦ!
7
Smit. / Адказаць
21.11.2016 / 17:51
А кто будет спрашивать. Да и у православных в мире другое мнение по поводу аннексии территорий на Беларуси и Украине. Я за Украинскую Православную Церковь.
5
Вадим / Адказаць
21.11.2016 / 17:53
Как оригинально. Значит государственные границы для РПЦ "неканонические" и их менять можно. А вот церковные границы "канонические" и менять их нельзя.
Паказаць усе каментары/ 75 /
Каб пакінуць каментар, калі ласка, актывуйце JavaScript у наладах свайго браўзеру