Грамадства88

Папа Францішак дазволіў святарам адпускаць грэх аборту

Папа Францішак у Апостальскім лісце «Misericordia et misera», апублікаваным і прадстаўленым ў Ватыкане 21 лістапада з нагоды заканчэння Надзвычайнага Юбілейнага Году Міласэрнасці, дазволіў усім святарам адпускаць грэх аборту.

Getty

Пантыфік спаслаўся на евангельскае апавяданне пра сустрэчу Езуса з чужаложніцай, асуджанай на каменаванне. «Не існуе закону ці прычыны, здольнай перашкодзіць Богу абняць свайго сына, якія вяртаецца да Яго, прызнаўшы, што памыліўся, і з рашучай гатоўнасцю пачаць з чыстага ліста. Спыняцца толькі на законе — значыць, рабіць бескарыснай веру і Божую міласэрнасць. Нават у самых складаных выпадках, дзе існуе спакуса паставіць на першае месца справядлівасць, якая грунтуецца выключна на нормах, трэба верыць у сілу, што паходзіць ад Божай ласкі», — тлумачыць сваё рашэнне Папа Францішак, паведамляе Крыніца.info са спасылкай на Ватыканскае Радыё.

Святы Айцец перакананы, што ніхто «не можа ставіць умоваў для міласэрнасці»: «Мы не можам супрацьстаяць поўнай свабодзе любові, з якой Бог уваходзіць у жыццё кожнага чалавека».

Раней адпушчэнне граху аборту знаходзілася ў кампетэнцыі біскупаў ці спецыяльна ўпаўнаважаных імі святароў.

Папа Францішак падкрэсліў, што «аборт — гэта цяжкі грэх, бо кладзе канец нявіннаму жыццю», але «не існуе такога граху, якога Божая міласэрнасць не можа дасягнуць і знішчыць, калі знаходзіць сэрца, якое каецца і просіць аб прымірэнні з Нябесным Айцом».

Таксама Папа Францішак пакінуў правамоцным распараджэнне адносна вернікаў, якія па розных прычынах выбіраюць касцёлы, дзе служаць святары з Брацтва святога Пія Х — «лефеўрысты».

Пантыфік пастанавіў, што вернікі, якія прыступаюць да сакрамэнту пакаяння ў святароў гэтай супольнасці, могуць і надалей атрымліваць сапраўднае і годнае адпушчэнне грахоў.

Таксама Папа Францішак абвясціў аб устанаўленні Сусветнага дня бедных, які будзе адзначацца кожную ХХХІІІ Звычайную нядзелю літургічнага года ў якасці падтрыхтоўкі да ўрачыстасці Хрыста Валадара Сусвету.

Напрыканцы Апостальскага ліста Францішак заклікаў «вызваліць месца для міласэрнай фантазіі», якая праз прастату маленькіх штодзённых жэстаў, можа «даць пачатак сапраўднай культурнай рэвалюцыі» ва ўсім свеце.

Каментары8

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Што стала прычынай смерці трох работнікаў «Беларуснафты» падчас рамонту на трасе

Што стала прычынай смерці трох работнікаў «Беларуснафты» падчас рамонту на трасе

Усе навіны →
Усе навіны

У Германіі сышоў з рэек пасажырскі цягнік. Ёсць загінулыя1

Праз Сонечную сістэму ляціць аб'ект, паводзіны якога нагадваюць кіраваны касмічны карабель18

Расійскі дрон атакаваў рэйсавы аўтобус у Сумскай вобласці. Ёсць ахвяры3

У Беларусі сёлета няма чарніц. Калі летась нарыхтоўшчыкі прынялі дзясяткі тон ягад, то сёлета — нічога4

Фларэнцыю назвалі найлепшым горадам Еўропы для турызму2

Найбуйнейшая сетка фастфуду ў свеце, пра якую амаль не ведаюць на Захадзе1

Былы палітвязень Сяргей Шэлег параўнаў Валадарку з гасцініцай у Эфіопіі. Кажа, гэта дапамагло ўспрыняць рэальнасць1

Стала вядома імя яшчэ аднаго агента КДБ, які можа быць датычным да знікнення Мельнікавай18

Пад Іванавам перакулілася маршрутка: сем чалавек у бальніцы

больш чытаных навін
больш лайканых навін

Што стала прычынай смерці трох работнікаў «Беларуснафты» падчас рамонту на трасе

Што стала прычынай смерці трох работнікаў «Беларуснафты» падчас рамонту на трасе

Галоўнае
Усе навіны →

Заўвага:

 

 

 

 

Закрыць Паведаміць