21.11.2016 / 20:46

Новая шыльда для Мінгандлю каштавала $2860 ФОТА 28

26 жніўня беларускае Міністэрства гандлю афіцыйна пераіменавалі ў Міністэрства антыманапольнага рэгулявання і гандлю. «Новаму» міністэрству спатрэбілася новая шыльда на ўваход. На яе вытворчасць быў абвешчаны тэндар. 

Кошт шыльды… 5600 дэнамінаваных рублёў. Ці $2860 па курсе на 31 жніўня — дзень, калі мусіў скончыцца тэндар.

Вось гэтая шыльда. Звонку здаецца — абсалютна звычайная: памеры стандартныя, літары не пазалочаныя. Такія вісяць на ўваходзе ў кожнае міністэрства! Адкуль такі кошт?

«Мы хацелі шыльду за гэтую цану — і нам зрабілі за гэтую цану. А былі прапановы, у якіх стаяла выстаўленая больш высокая цана, — распавёў Аляксей Нявольскі з Міністэрства антыманапольнага рэгулявання і гандлю. — Шыльду рабілі ў мастацкім камбінаце «Беларускага саюза мастакоў». 

Што праўда, была яшчэ адна кампанія — «Бронза-арт». Мы іх арыентавалі на гэтую суму [5600 рублёў], яны спачатку назвалі большы кошт, пасля меншы… Але мы з імі так і не дамовіліся. Яны доўга думалі, пасля нічога мне не выслалі. Мне здаецца, што шыльда ад «Бронза-арт» была б лепшай. Калі вас кошт бянтэжыць — дык у іх, магчыма, быў бы і меншы кошт».

Мастацкі камбінат ГА «Беларускі саюз мастакоў» мае шмат замоў ад дзяржавы. Тамтэйшыя майстры рабілі металічныя надпісы для станцыяў метро «Грушаўка» і «Малінаўка», парэнчы маста за Нацыянальнай бібліятэкай, ліццё для мінскай Ратушы.

«У нас няма прайс-лістоў. Нашая праца індывідуальная. Разлічваецца кожная канкрэтная праца, — тлумачаць на камбінаце. — Спачатку над замовай працуе дызайнер, пасля робіцца разлік. Калі цана не задавальняе — знаходзім кампраміс, каб замова ўсё ж адбылася». 

0
Кажыма праўду / Адказаць
21.11.2016 / 20:49
«Мы хацелі шыльду за гэтую цэну» – тыповы распіл бюджэтнага бабла пад загадзя вызначанага падрадчыка.
1
абывацель / Адказаць
21.11.2016 / 20:58
словы на шыльдзе можна выкласцi непрададзенымi трактарамi мтз, каб было лепш вiдаць, што яны нарэгулявалi i нагандлявалi
0
Калгасны гандляр / Адказаць
21.11.2016 / 21:02
Вось жа справа - слова "антыманапольнага" выцягнула з манаполькі асноўныя грошы, а слова "рэгуляванне" - астатнія капейкі. А проста "Міністэрства гандлю" назваць - ніхто не зразумее, што за орган (прабачце апошняе слова).
Паказаць усе каментары/ 28 /
Каб пакінуць каментар, калі ласка, актывуйце JavaScript у наладах свайго браўзеру