Па думку Сарказі, у справе будаваньня адзінай Эўропы былі дапушчаныя памылкі, і жыхары Эўрасаюзу сталі губляць веру ў посьпех гэтага праекту.
«Штосьці ня так. Штосьці відавочна ня так», — заявіў францускі лідэр.
Паводле Сарказі, заклапочаныя грамадзяне Эўропы цяпер задаюцца пытаньнем, а ці «ня будзе ў выніку так, што дзяржаўныя ўлады будуць абараняць іх інтарэсы больш актыўна, чым эўрапейскія».
Рэха рэфэрэндуму ў Ірляндыі
Афіцыйна Францыя пачынае старшынстваваць у Эўрасаюзе зь 1 ліпеня, але цырымонія перадачы Славеніяй адпаведных паўнамоцтваў адбылася ў панядзелак у прысутнасьці кіраўніка МЗС Францыі Бэрнара Кушнэра.
А ўвечары ў панядзелак Эйфэлева вежа ў Парыжы афарбавалася ў блакітны колер, і на ёй заблішчэлі залатыя зоркі, што сымбалізавала сабой сьцяг Эўрасаюзу.
У ліку прыярытэтных пытаньняў на паўгадовы пэрыяд старшынства Францыі значацца праблемы іміграцыі, абароны і сельскай гаспадаркі.
Давядзецца Сарказі — як прэзыдэнту краіны, што старшынствуе ў ЭС — разьбірацца і з наступствамі рэфэрэндуму ў Ірляндыі — нагадаем, што ірляндцы выказаліся супраць Лісабонскай дамовы, што па сутнасьці замяняла сабой эўрапейскую канстытуцыю і была скіравана на рэфармаваньне Эўрасаюзу
Пазыцыя прэзыдэнтаў
Для ўступленьня гэтай дамовы ў сілу патрэбна згода сіх 27 краін ЭС. Сарказі скіруецца ў Ірляндыю 11 ліпеня, каб асабіста разабрацца ў тым, што непакоіць ірляндзкіх выбарцаў.
Тым часам прэзыдэнт Польшчы Лех Качынскі заявіў, што пакуль ня мае намеру падпісваць Лісабонскую дамову, нягледзячы на яе ратыфікацыю парлямэнтам.
Паводле Качынскага, з улікам вынікаў рэфэрэндуму ў Ірляндыі яе падпісаньнне робіцца справай бессэнсоўнай.
У Нямеччыне прэзыдэнт гэтай краіны Хорст Келер таксама адклаў падпісаньне ратыфікацыю дакумэнта, заявіўшы, што пачакае вэрдыкту найвышэйшай судовай інстанцыі Нямеччыны па гэтым пытаньні.