23.11.2016 / 11:25

У Германіі забіты расійскі чэмпіён свету па кікбоксінгу 6

Шматразовы чэмпіён свету па кікбоксінгу Муса Мусалаеў быў застрэлены ў Ной-Ульме. Паліцыя вядзе расследаванне, піша DW.

Муса Мусалаеў. Фота sportsreda.ru

У нямецкім горадзе Ной-Ульме забіты шматразовы чэмпіён свету па кікбоксінгу, ураджэнец Татарстана Муса Мусалаеў. Пра гэта паведаміла ў аўторак, 22 лістапада, газета Augsburger Allgemeine.

Злачынства было здзейснена ў пятніцу, 18 лістапада, каля 18.00. Па словах відавочцаў, 37-гадовага Мусалаева застрэліў ля пад'езда яго дома невядомы мужчына ў масцы, які адразу ж з'ехаў на аўтамабілі з месца злачынства.

Паліцыя вядзе расследаванне, пакуль ніякіх слядоў выявіць не ўдалося. Аднак, як заявіў кіраўнік крымінальнай паліцыі Ной-Ульма Юрген Швайцэр (Jurgen Schweizer), праваахоўныя органы маюць доказы, якія «дазволілі следству ў істотнай ступені рушыць наперад». Чуткі пра тое, што забіты мог быць звязаны з «рускай мафіяй», паліцыя не каментуе.

37-гадовы Муса Мусалаеў быў капітанам татарскай каманды па кікбоксінгу «Prince Team». Ён быў прызначаны саветнікам прэзідэнта Татарстана па пытаннях фізічнай культуры і спорту, займаў гэтую пасаду ад 2010 да 2013 года. Ад 2013 года Мусалаеў з сям'ёй стала жыў у Германіі.

1
Джон Жарптушкін / Адказаць
23.11.2016 / 12:42
Дык расейскі ці татарскі чэмпіён?
0
bacya3 / Адказаць
23.11.2016 / 13:30
как они получают вид на жительствл? всем известно что такие спортсмены связаны с криминалом, а потом они в германии облавы на русскую мафию делают..
0
Я / Адказаць
23.11.2016 / 15:24
Спорить с тренером по борьбе может только тренер по стрельбе.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру