27.11.2016 / 10:31

На мяжы Беларусі з Літвой калапс — трэція суткі велізарныя чэргі з грузавікоў 3

На мяжы Беларусі з Латвіяй і Літвой трэція суткі захоўваюцца значныя чэргі грузавікоў на выезд з краіны.

Чарга ў Катлоўцы, фота з сайта gpk.gov.by

Паводле звестак Дзяржаўнага памежнага камітэта Беларусі на 10 гадзін 27 лістапада ў чэргах на мяжы Беларусі з Латвіяй у «Грыгароўшчыне» і «Урбанах» знаходзяцца 50 і 60 машын.

На мяжы з Літвой сапраўдны калапс: у «Беняконях» 151 фура, у «Катлоўцы» — 130, «Прывалцы» — 148, «Каменным Логу» — 350.

Пры гэтым у пунктах пропуску на мяжы з Польшчай чэргаў не назіраецца.

Беларускія памежная і мытная адміністрацыі афіцыйна сітуацыю не каментуюць.

Спецыялісты кажуць, што галоўнай прычынай такой колькасці грузавых аўтамабіляў на выезд з Беларусі менавіта ў латвійскім і літоўскім кірунках, у першую чаргу, з'яўляюцца дзеючыя ў Польшчы абмежаванні на ўвоз паліва. Акрамя таго, магчыма, адбіваецца набліжэнне калядных святаў, таму грузаперавозчыкі масава накіроўваюцца ў Еўропу па тавары.

Тэлеканал АНТ паведаміў учора са спасылкай на кіроўцаў на мяжы з Літвой, што праблемы ў афармленні машын маюцца менавіта на літоўскім баку.

nn.by

0
Раман / Адказаць
27.11.2016 / 12:47
Шкоднасць візавага рэжыму і нізкай прапускной здольнасці мяжы
0
Ананімны / Адказаць
27.11.2016 / 14:25
А што вывозяць??? Гляджу на гэта й разумею: Беларусь – насамрэч экспартная краіна! :D
0
владимир / Адказаць
27.11.2016 / 22:43
блин,я бы там жил.....драники со свининкой пек бы,и калейка бы купляля.....
Каб пакінуць каментар, калі ласка, актывуйце JavaScript у наладах свайго браўзеру