27.11.2016 / 11:26

У Аўстраліі шэсць чалавек загінулі ад «навальнічнай астмы» 2

У Мельбурне па меншай меры шэсць чалавек сталі ахвярамі рэдкага захворвання, вядомага пад назвай «навальнічная астма». Яшчэ пяцёра знаходзяцца ў крытычным стане, піша ВВС. 

Дванаццаць пацярпелых шпіталізаваныя, але іх жыццю небяспека не пагражае, удакладніў у нядзелю дэпартамент аховы здароўя штата Вікторыя.

Навальнічныя ліўні і моцны вецер, якія прайшлі ў гэтым рэгіёне Аўстраліі яшчэ ў мінулы панядзелак, выклікалі ўспышку алергічнай рэакцыі на пылок жыціцы (якую яшчэ называюць «жытняй травой») — за мінулыя два дні больш за 8,5 тысяч чалавек звярнуліся да дактароў са скаргамі на раптоўныя прыступы ўдушша.

Жыціца. Фота з сайта agric.wa.gov.au

Амаль трэць з іх ніколі раней не адчувала падобных сімптомаў.

«Навальнічная астма» праяўляецца вясной, калі пылок жыціцы брыняе, распадаецца на дробныя часціцы і трапляе ў дыхальныя шляхі чалавека, выклікаючы кашаль і ўдушша.

Першы выпадак «навальнічнай астмы» быў зафіксаваны ў Мельбурне ў 1987 годзе, калі бальніцы паведамілі пра амаль пяцікратнае павелічэнне колькасці пацыентаў з праблемамі дыхання. Пасля гэтага падобныя ўспышкі таксама адзначаліся ў Злучаных Штатах, Канадзе, Брытаніі і Італіі.

nn.by

2
Непамяркоуны русафоб, Змагар, Свядомы, Пан, Беларус-тур / Адказаць
27.11.2016 / 12:06
А у рсфсо пад час чарговых вучэнняу загiнулi трое дэсантнiкау, трупы якiх знайшлi у рацэ у Краснадрскiм краi
2
Данэлія. Рэжысёр фільма Кіндзадза. / Адказаць
27.11.2016 / 20:22
Вынік безглуздай несканчаемай антытытунёвай кампаніі. Магу біцца аб заклад, што сярод пацярпеўшых не было аніводнага курыльшчыка. Гэта яшчэ адное папярэджанне чалавецтву аб набліжэнні сусветнай катастрофы праз часовае зніжэннне агульначалавечага інтэлекта пры высокатэхналягічнай тэхніке і тэхналёгіях аднамомантнага карыстання. Момант, калі не заражаная стрэльба на сцяне страляе. Гэтай стрэльбай для чалавецтва з'яўляецца сусветная сістэма якасці ISO, амерыканскага паходжання. Яе стратэгічная памылка - маніторынг з мэтай падпарадкавання незалежна ад ступені інтэлекта падлягаючага падпарадкаванню.
Каб пакінуць каментар, калі ласка, актывуйце JavaScript у наладах свайго браўзеру