27.11.2016 / 15:04

У Мінску пажарныя за тыдзень двойчы тушылі адну і тую ж кватэру

Мінскія пажарныя за тыдзень двойчы тушылі ўзгаранне ў адной і той жа кватэры.

Як паведамляе Мінскае ўпраўленне МНС, 25 лістапада ў 20.12 на лінію 101 паступіла інфармацыя аб узгаранні ў кватэры па вуліцы Альшэўскага, 73, у Фрунзенскім раёне сталіцы.

Па прыбыцці да месца выкліку было выяўлена, што адбылося загаранне канапы ў кватэры на другім паверсе пяціпавярховага дома. У выніку была пашкоджаная канапа, закураная кватэра.

Прычына пажару — неасцярожнае абыходжанне з агнём пры курэнні.

Тыднем раней падраздзяленні МНС ужо выязджалі па дадзеным адрасе. І тады прычынай выкліку было ўзгаранне з-за неасцярожнага абыходжання з агнём пры курэнні.

Каб пакінуць каментар, калі ласка, актывуйце JavaScript у наладах свайго браўзеру