27.11.2016 / 17:09

Аднаму з удзельнікаў «Мінскага форуму» на выездзе з Беларусі паставілі штамп «Уезд у Беларусь забаронены» 23

Штамп «Уезд у Беларусь забаронены» на выездзе з краіны атрымаў Пэтэр Лізэганг.

Лізэганг — адзін з членаў рады Нямецка-беларускага таварыства, якое арганізуе «Мінскі форум», сустрэчу нямецкіх і беларускіх экспертаў.

Лізэганг прыехаў у мінулую нядзелю, прабыў тут тыдзень. На форуме ён не выступаў, але сустракаўся з сябрамі і знаёмымі.

Лізэганг цяпер фрылансер, арганізуе навучанне для журналістаў з Усходняй Еўропы ў Германіі. Раней ён арганізоўваў чарнобыльскія і адукацыйныя праграмы.

Ён атрымліваў візу разам з іншымі нямецкімі ўдзельнікамі форуму. Штамп «Уезд у Беларусь забаронены» Лізэганг атрымаў на вылеце. На пытанне «Нашай Нівы» ён не стаў выказваць гіпотэзы, чаму ён быў унесены ў спісы неўязных. «Яны не тлумачаць», — адзначыў ён.

Лізэганг пабываў у Беларусі першы раз за 6 гадоў. «Мінскі форум» быў праведзены ўпершыню пасля шасцігадовага перапынку, калі нямецкі бок прыпыніў яго падрыхтоўку ў знак пратэсту пасля пагрому апазіцыі ў 2010—2011 гадах.

У дзяржаве Беларусі штамп «Уезд забаронены» па-ранейшаму выкананы па-расейску.

МБ

7
ага / Адказаць
27.11.2016 / 17:22
Затое салауёвы и прочая шваль чувствуют себя тут як дома, ездзюць, рыхтуюць данбас два
7
Свабода / Адказаць
27.11.2016 / 17:26
Калі ўжо такі штамп будзе на пашпарце гігіна з ярмошынай? Толькі па-беларуску
5
Марамой / Адказаць
27.11.2016 / 17:29
Памежнiкi атрымалi загад з крамля, таму i забаранiлi. Салауевым жа ды кiсялевым не забараняюць.
Паказаць усе каментары/ 23 /
Каб пакінуць каментар, калі ласка, актывуйце JavaScript у наладах свайго браўзеру