Цяпер ужо былы кіраўнік Адміністрацыі прэзідэнта Аляксандр Косінец нарадзіўся ў 1959 годзе ў вёсцы Роскі Сялец пад Оршай.
Першы факт ягонай афіцыйнай біяграфіі — паспяховае сканчэнне Віцебскага медыцынскага ўніверсітэта ў 1982 годзе.
Аднак перад тым быў яшчэ і кароткі час навучання ў сталічнай сувораўскай вучэльні. Па словах знаёмых сям’і Косінца, маці фактычна гадавала яго адна, таму адправіла ў Мінск загартоўваць характар.
«У 1974-1975 гадах у ліку сувораўцаў быў А.Косінец. На жаль, сямейныя абставіны не далі магчымасць юнаку скончыць поўны курс вучэльні», — гаворыцца на сайце навучальнай установы.
Што ж за сямейныя абставіны прымусілі хлопца пераехаць у Оршу, дзе ён і сканчваў школу — загадка.
«Мне па жыцці шанцавала на добрых настаўнікаў і ў сельскай школе, і ў Оршы, і ў сувораўскай вучэльні, і ў інстытуце», — толькі аднойчы згадаў сваю вучобу ў Мінску Аляксандр Косінец.
* * *
Чытайце таксама:
Аляксандр Косінец: як хірург з Віцебска стаў першай асобай у Адміністрацыі прэзідэнта
