11.12.2016 / 14:40

У наступным сезоне плануюцца чартары з Мінска ў Тырану і Трыест 3

Дзве прэм'еры чакаюць беларускіх турыстаў летам 2017 года. Як распавялі Tio.by у фірме «Аэратрэвел», якая кансалідуе чартары з беларускай сталіцы на розныя курортныя еўрапейскія напрамкі, у наступным сезоне з Мінска можна будзе паляцець у італьянскі Трыест і албанскую Тырану.

Албанія. Фота files.tpg.ua

Прылёт у Трыест дазволіць арганізаваць адпачынак на Венецыянскай Рыўеры, дзе размешчаны такія папулярныя сярод беларускіх турыстаў курорты, як Лідо-ды-Езоло, Трыест, Ліньяна і іншыя. Акрамя таго, чартар дасць магчымасць ажыццявіць трансферы на курорты Славеніі і Харватыі.

Нагадаем, што летась з Мінска кампанія «АэраБелСэрвіс» кансалідавала чартар на Сіцылію, а «Гулівер» лётаў у Рыміні. Рэгулярны рэйс «Белавія» ў Ніцу дазваляў нашым турыстам лёгка дабрацца на яшчэ адно папулярнае італьянскае ўзбярэжжа — у Лігурыю.

Навінкай сезону наступнага года стане чартар у Тырану — сталіцу Албаніі. Пра магчымасці гэтага бязвізавага для беларусаў напрамку рынак ведае даўно, і галоўныя надзеі звязвае з яго таннасцю і пры гэтым добрай гатэльнай інфраструктурай і выдатнымі пяшчанымі пляжамі, якія не саступаюць балгарскім. Агенцкі рынак не так дэталёва разбіраецца ў тонкасцях гатэльнай інфраструктуры Албаніі, як, скажам, суседняй Чарнагорыі, таму ў маі плануецца некалькі рэкламных тураў для знаёмства з албанскім курортамі і гатэлямі.

Мяркуецца, што чартарны ланцужок у Албанію будзе дзесяці- і адзінаццацідзённым — з чэрвеня па верасень. Чартар у Трыест, па планах, будзе стартаваць у чэрвені кожны тыдзень на бартах 122-мясцовага «Боінга», затым у пік сезону — у другой палове ліпеня-жніўні, калі ў італьянцаў вакацыі і месцаў у гатэлях не хапае, — беларускі кансалідатар пяройдзе на дзесяцідзённыя вылеты на 76-крэсельных «Эмбраерах», а затым, у аксамітны сезон, ланцужок зноў будзе ажыццяўляцца на «Боінгах» раз на тыдзень.

0
LMI / Адказаць
11.12.2016 / 15:19
Ну няўжо. Нарэшце дайшло, што гэты кірунак варты ўвагі нашых турыстаў. Толькі канешне калі кошты будуць даражэй за Lufthansa, то нахалеры такой сэрвіс
0
Куранда Олег / Адказаць
12.12.2016 / 19:22
Хорошо бы наладить прямое сообщение поездом в туристические города,а туры предлагать когда масовый поток туристов из других государств закончился.Что бы обеспечить доступный отдых без ущерба качеству.
0
Куранда Олег / Адказаць
12.12.2016 / 19:57
Многие наши граждане летают не на БелаВиа и не из Беларуси.Покупают тур с Вылетом из Москвы,Вильнюса или Киева,что бы сэкономить. Этих клиентов можно перехватить дешовыми турами организовав проезд поездом. Первпективное направление кроме Албании,Турция,европейская часть. Вопрос только где дешевле отели одинакового класса и в целом сфера услуг.
Каб пакінуць каментар, калі ласка, актывуйце JavaScript у наладах свайго браўзеру