Польская памежная ахова з пачатку 2016 года чатыры разы рэгістравала парушэнні сваёй паветранай прасторы беспілотнікамі з расійскай тэрыторыі, паведамляе polskieradio.pl.
Расійскія дроны прыляталі з боку Калінінградскай вобласці, дзе знаходзіцца вялікая расійская вайсковая база.
Расійскі малы разведвальны беспілотнік «Элерон-3».
Апошні раз інцыдэнт адбыўся ў канцы лістапада. Беспілотнікі заляталі ў польскую прастору на адлегласць да 1 км на вышыні да 100 м.
Кожны раз памежнікі інфармавалі пра сітуацыю свае ВПС. У Міністэрстве абароны Польшчы адмовіліся ад кансультацый, спасылаючыся на сакрэтнасць.
Дроны нават без зброі могуць выкарыстоўвацца для разведкі, ідэнтыфікацыі цэляў і карэктыроўкі ракетна-артылерыйскіх удараў, як гэта рэгулярна адбываецца на фронце ва Украіне.