17.12.2016 / 11:20

Памёр пісьменнік і даследчык сталінскіх рэпрэсій Леанід Маракоў 38

Фота Юліі Дарашкевіч

Раніцай 17 снежня пайшоў з жыцця Леанід Маракоў, паведамляе на Facebook актывістка Наталля Саматыя. Маракову было 58 гадоў.

У яго была пухліна галаўнога мозгу. На пачатку года Леанід перанёс інсульт.

***

Леанід Маракоў нарадзіўся ў 1958 годзе. Па прафесіі інжынер-радыёэлектронік. У 1990-я ён стаў вывучаць біяграфію свайго дзядзькі паэта Валерыя Маракова, які быў расстраляны 29 кастрычніка 1937 года. Вынікам працы стала маштабнае даследаванне сталінскіх рэпрэсій у Беларусі — падрыхтаваны і часткова выдадзены 10-томны энцыклапедычны даведнік пад назвай «Рэпрэсаваныя літаратары, навукоўцы, работнікі асветы, грамадскія і культурныя дзеячы. 1794—1991». Усяго сабраны звесткі пра 20 тысяч ахвяраў.

Маракоў выпусціў таксама дакументальнае даследаванне «Ахвяры і карнікі», дзе сабраў біяграфіі ахвяраў і тых, хто мае дачыненне да рэпрэсій у Беларусі. Асобна выйшла кніга, дзе сабраны звесткі пра рэпрэсаваных у Беларусі праваслаўных святароў.

Леанід Маракоў таксама вядомы сваімі літаратурнымі творамі, аўтар некалькіх кніг. У 2014 годзе выйшла яго манаграфія «Галоўная вуліца Мінска. 1880—1940».

Хочаш падзяліцца важнай інфармацыяй ананімна і канфідэнцыйна?

0
icvinl / Адказаць
17.12.2016 / 11:31
Супакой пане божа яго Душу.
0
будулай / Адказаць
17.12.2016 / 11:32
Вечная памяць
0
LMI / Адказаць
17.12.2016 / 11:33
Сьветлая памяць, вечны спачын
Паказаць усе каментары/ 38 /
Каб пакінуць каментар, калі ласка, актывуйце JavaScript у наладах свайго браўзеру