09.07.2008 / 18:36

Сёлета Амбасовішча — у жывым этэры Netradio.by 1

Сёлета на «Амбасовішчы» было вырашана зладзіць музычны конкурс сярод прадстаўнікоў усіх беларускіх рэгіёнаў. Цягам некалькіх месяцаў арганізатары акцыі адбіралі музычныя гурты для ўдзелу ў фэсьце.

Цікавасьць да сёлетняга «Амбасовішча», што праводзіць амэрыканская амбасада ў Беларусі — надзвычайная.

Арганізатары фэсту вырашылі пашырыць конкурс і даць магчымасьць выступіць гуртам з усіх рэгіёнаў Беларусі. Усяго на сцэну, адмыслова збудаваную для фэсту на тэрыторыі рэзыдэнцыі амэрыканскага амбасадара, выйдуць больш за 10 гуртоў. У госьці чакаюць больш за 300 прадстаўнікоў беларускай музычнай індустрыі, журналістаў і дыпляматаў. Жывую трансьляцыю з гэтага мерапрыемства будуць весьці адразу дзьве радыёстанцыя — радыё «Рацыя» і NETradio. Падрабязнасьці пра сёлетняе «Амбасовішча» ТГ распавяла аташэ па пытаньнях інфармацыі, адукацыі і культуры амбасады ЗША Кэралайн Сэвідж.

«Амбасовішча‑2008» сталася ўжо добрай традыцыяй. Фэст праводзіцца раз на год на тэрыторыі рэзыдэнцыі амэрыканскага амбасадара, што знаходзіцца ў Раўбічах. Сёлета ён адбудзецца 11 ліпеня. Гаспадаром яго выступіць часовы павераны Джонатан Мур. На гэтае музычнае сьвята запрошана ля 300 гасьцей. Кэралайн Сэвідж кажа, што сярод іх — вядомыя беларускія музыкі, прафэсіяналы ў сфэры музычнай індустрыі, прадстаўнікі грамадзкай супольнасьці і дыпляматы. «Мы лічым, што «Амбасовішча« — гэта сьвята беларускай музыкі і свабоды мастацкага самавыяўленьня і вельмі хочам, каб у ім узялі ўдзел як мага болей цікавых і таленавітых людзей», — кажа аташэ.

Сёлета на «Амбасовішчы» было вырашана зладзіць музычны конкурс сярод прадстаўнікоў усіх беларускіх рэгіёнаў. Цягам некалькіх месяцаў арганізатары акцыі адбіралі музычныя гурты для ўдзелу ў фэсьце. У выніку спыніліся на наступных выканаўцах:

Indra (Полацак)
Zatoczka (Магілеў)
Джамбібум (Менск)
Kalmary (Бяроза)
Tlusta Lusta (Горадня)
Глінтвейн (Гомель)

Пераможцу сярод гэтых гуртоў будуць адбіраць госьці фэстывалю праз галасаваньне. Другая ж частка «Амбасовішча» — выступ ужо вядомых беларускіх гуртоў. На сцэну выйдуць «Крама», «Крамбамбуля», Garadzkija і Mauzer. Але і гэта яшчэ ня ўсё. Са словаў Кэралайн Сэвідж, удзел у фэсьце возьмуць і амэрыканскія музыкі. «Мы даўно хацелі запрасіць на гэтую акцыю адзін з нашых гуртоў і сёлета ў нас гэта атрымалася. Адмыслова для выступу на «Амбасовішчы« з ЗША прыедзе каманда Fox Trio. Спадзяемся, што іх музыка прыйдзецца даспадобы беларускім слухачам».

Упершыню за чатырохгадовую гісторыю фэсту кожны ахвочы зможа віртуальна папрасутнічаць на ім. Сёлета жывую трансляцыю з «Амбасовішча» будуць весьці адразу дзьве радыёстанцыі.

***

«Амбасовішча‑2008». Рэзыдэнцыя амбасадара ЗША (Раўбічы). 11 ліпеня. Пачатак у 16:00

Жывая трансьляцыя на радыё «Рацыя» (FM 98,1, Беласток і праз racyja.com). Падрабязьней

Жывая трансьляцыя на NETradio

SB, Тузін гітоў

0
Клэптан / Адказаць
10.07.2008 / 13:01
Чуе маё сэрца, што ачэпяць зондэркаманды ўсе дарогі да рэзідэнцыі, будуць спыняць і затрымліваць усіх гасьцей і музыкаў.
Каб пакінуць каментар, калі ласка, актывуйце JavaScript у наладах свайго браўзеру