На фоне агульнага запавольвання інфляцыі вылучаюцца некаторыя прадукты.
За апошні год рэзка падаражэла грэчка. На сёння ў крамах не знойдзеш грэчкі таннейшай за 2,4 рублі ў пераліку за кілаграм. Агулам цэны на яе вагаюцца ў прамежку 2,4—4 рублі за кг.
Між тым яшчэ ўвесну цэны на грэчку складалі ў асноўных гандлёвых сетках 2—2,5 рублі за кг.
Цэны на грэчку звычайна залежаць ад яе ўраджайнасці на Перадураллі, у Сібіры і Кітаі, дзе вырошчваюцца асноўныя аб’ёмы гэтай збажыны. Беларусь вырошчвае і сваю грэчку, але яна збольшага ідзе па дзяржзамове ў бальніцы, школы, інтэрнаты па зніжаных цэнах.
Выраслі цэны і на масла. На сёння масла ў крамах не знойдзеш таннейшага за 2,2 рублі ў пераліку на 200 г. Цэны агулам вар’іруюцца ад 2,2 да 3 рублёў у пераліку за 200-грамовы пачак.
Параўноўваю са сваімі чэкамі гадавой даўніны: масла каштавала тады 1,58—2,2 рубля. Такім чынам, рост цаны склаў каля 40% за год.
Прыкладна на столькі ж даражэйшы стаў і сыр.
Праўда, тут цяжэй правесці параўнанне. Бо беларускія вытворцы часта мяняюць назвы сыроў і іх упакоўку.
Цяпер цэны на цвёрды жоўты сыр, нават не спелы, складаюць пераважна ад 10 да 18 рублёў за кг.
Цяпер чытаюць
Стала вядома, што за 200 тысяч еўра прапаноўвалі Сяргею Ціханоўскаму «беларускія бізнэсмены»29
Каментары