21.12.2016 / 17:56

Жыхара Смаргоні прысудзілі да пажыццёвага зняволення за забойства трох чалавек

Суд Гродзенскай вобласці вынес прысуд па справе аб трайным забойстве на Смаргоншчыне — 35-гадоваму Уладзіміру Трыфанаву прызначылі пажыццёвае зняволенне, паведамляе БелаПАН.

Трагедыя адбылася ў чэрвені. Абвінавачаны заспеў жонку з палюбоўнікам і нанёс яму мноства ўдараў нажом. Той сканаў на месцы. Пасля гэтага Трыфанаў расправіўся з бацькам ахвяры, які прыйшоў на дапамогу сыну. Трэцяй забітай стала сужыцелька бацькі — жанчына знаходзілася ў доме, дзе адбылося злачынства.

Абвінавачаны таксама пагражаў жонцы забойствам, але ёй удалося ўцячы да сястры, адкуль і выклікалі міліцыю.

Усе ўдзельнікі канфлікту знаходзіліся ў стане алкагольнага ап'янення. У абвінавачанага зафіксавалі 2,8 праміле алкаголю ў крыві.

Віну Трыфанаў прызнаў часткова. Ён не адмаўляў, што забіў трох чалавек, але сцвярджаў, што гэта адбылося спантанна, а не было спланавана загадзя.

Абвінавачваны мае права абскардзіць прысуд.

Каб пакінуць каментар, калі ласка, актывуйце JavaScript у наладах свайго браўзеру