Цяпер будзе вырашацца пытанне аб выдачы арыштаванага праваахоўным органам Беларусі.
Разам з Р.Менцюком у Маскве была затрымана яго жонка Вольга. У Беларусі яна абвінавачваецца ва ўчыненні злачынства, прадугледжанага арт. арт. 318 КК (выпуск у эксплуатацыю технічна няспраўнага транспартнага сродку альбо незаконны допуск да кіравання ім). Расійскім судом яна вызвалена з‑пад варты, паколькі ў заканадаўстве РФ няма крымінальнай адказнасці за падобныя дзеянні.
Нагадаем, каб спыніць п’янага Р.Менцюка, які кіраваў аўтамабілем «Фальксваген», супрацоўнікі аддзела ДАІ Кастрычніцкага РАУС Мінска выстраілі «жывы шчыт» з грамадзянскіх аўтамабіляў, у якіх знаходзіліся людзі.
У дачыненні да Р.Менцюка пракуратурай Мінскай вобласці 17 сакавіка была распачата справа па ч. 1 арт. 317 КК (парушэнне правілаў дарожнага руху або эксплуатацыі транспартных сродкаў асобай, якая кіруе транспартным сродкам, што пацягнула па неасцярожнасці прычыненне менш цяжкага цялеснага пашкоджання). Пасля гэтага ён разам з жонкай Вольгай уцёк. Завочна парушальніку было прад’яўлена абвінавачанне, пракурорам абрана мера стрымання ў выглядзе зняволення пад варту. У красавіку ў дачыненні да Р.Менцюка была распачата яшчэ адна крымінальная справа — за крадзеж, паведамляе БелаПАН
Увесь гэты час Мянцюк жыў у Нара‑Фамінску, а ў Маскву прыехаў шукаць працы. Тут яго і злавілі.