29.12.2016 / 14:32

Міністр аховы здароўя Васіль Жарко стаў віцэ-прэм'ерам 11

Віцэ-прэм'ерам у пытаннях сацыяльнай сферы прызначаны міністр аховы здароўя Васіль Жарко. Раней гэтую пасаду займала Наталля Качанава, якая пайшла на павышэнне — кіраўніком Адміністрацыі прэзідэнта.

Васілю Жарко 60 гадоў, ён родам з вёскі Леснікі Драгічынскага раёна. Ад мая 2006 года ён з'яўляўся міністрам ахоавы здароўя.

Спадар Жарко першую адукацыю атрымаў у медвучылішчы ў Юрацішках Іўеўскага раёна. Потым служыў у войску ў Арэнбургу (Расія), быў вайсковым фельчарам. З другой спробы паступіў у Мінскі медінстытут. У ВНУ адзначыўся не толькі ў вучобе, але і па камсамольскай лініі.

Па сканчэнні інстытута працаваў у Брэсцкай дзіцячай бальніцы, дзе ў той час таксама працавала Людміла Пастаялка, яшчэ адзін будучы міністр аховы здароўя.

Потым Жарко папрацаваў на розных пасадах у Брэсце і Драгічыне. У 2003 годзе перехаў у Мінск — дырэктарам санаторыя «Крыніца». Таксама выконваў абавязкі кіраўніка беларускага Чырвонага Крыжа.

Новы міністр аховы здароўя пакуль не прызначаны.

ЗП

0
1 / Адказаць
29.12.2016 / 14:35
Такое ўражанне, што ў нас на вачах фармуецца незабываемы ўрад
0
Пытаннечка / Адказаць
29.12.2016 / 14:37
А міністрам аховы здароўя хто стаў?
0
Васіль Астрэйка / Адказаць
29.12.2016 / 14:50
Качанава, Жарко, Шуневіч - самыя ярыя манархісты. Гэта ж Жарко, здаецца, адгрохаў палац сабе, Ніва пісала?
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру