30.12.2016 / 21:15

Чытачы ўжо сабралі на расследаванні «Нашай Нівы» 113% запытанай сумы 1

Дзякуючы падтрымцы чытачоў, краўдфандынгавая кампанія па збору сродкаў на расследаванні «Нашай Нівы» паказвае выдатныя паказчыкі.

Па стане на вечар 30 снежня праз «Талаку» ўжо сабрана 11 360 рублёў — гэта больш за 113% ад запытанай сумы.

А яшчэ каля 2000 рублёў пералічана праз АРІП. Мы апублікуем канчатковую суму напрыканцы краўдфандынгавай кампаніі.

Быць фундатарам «Нашай Нівы» — гэта модна. І мы ганарымся нашай грамадзянскай супольнасцю.

Нашаніўцы і сябры Рэдакцыі.

Кіраўнік «Арт-сядзiбы» і заснавальнік Symbal.by Павал Белавус назваў пяць прычын, чаму ён падтрымаў збор грошай на расследаванні:

Раней з заклікам падтрымаць «НН» праз Талаку выступілі паэт Уладзімер Арлоў…

Старшыня Таварыства беларускай мовы Алег Трусаў

дэпутатка Палаты прадстаўнікоў, намесніца старшыні Таварыства беларускай мовы Алена Анісім

баксёр-чэмпіён Віталь Гуркоў

пісьменнік Віктар Марціновіч:

Каб падтрымаць НН, трэба адкрыць нашу старонку на сайце talaka.by.

Унізе можна выбраць суму дапамогі — ад 10 да 1000 рублёў. Ад гэтага залежыць, якую ўзнагароду вы атрымаеце: кубак з афарызмам, ці байку з афарызмам, ці фотапрацу Гудзіліна. Мы гатовыя нават пасадзіць бульбу на вашым агародзе ).

Абярыце патрэбны варыянт (чым больш, тым лепш!) і націсніце на яго. Пасля трэба будзе зарэгістравацца на сайце — пры жаданні дастаткова аўтарызавацца праз фэйсбук ці Укантакце — і ўвесці дадзеныя сваёй банкаўскай карткі. Калі вы хочаце зрабіць унёсак ананімна, не забудзьцеся паставіць адпаведную птушку.

Важны этап

Краўдфандынгавы збор грошай — важны этап у гісторыі «Нашай Нівы». Мы заклікаем фундаваць нашы грамадска значныя расследаванні.

Нашыя чытачы і раней дапамагалі нам, але цяпер, дзякуючы зручнай пляцоўцы «Талакі» збор грошай стаў яшчэ лягчэйшым.

Што такое NN.by?

Гэта найбуйнейшая ў свеце беларускамоўная пляцоўка, якую штодня наведваюць з 40 тысяч камп’ютараў і тэлефонаў — больш, чым насельніцтва Навагрудка ці Глыбокае з Паставамі разам узятае.

Для развіцця беларускай мовы жыццёва неабходна захаваць такую прастору.

«Наша Ніва» адлюстроўвае інтарэсы беларускага грамадства, а не дзяржавы, сваёй ці чужой.

Нашы расследаванні

Расследаванні «Нашай Нівы» год за годам перамагаюць у беларускіх і міжнародных журналісцкіх конкурсах.

Згадайма некаторыя з іх толькі за апошні час.

Грунтоўнае даследаванне «Хто хоча зрабіць з Беларусі Заходнюю Расію» прывяло ў шал беларусафобаў усіх масцей і калібраў.

«Наша Ніва» пісала пра трэніровачныя лагеры расійскіх неанацыстаў, куды спрабавалі зацягнуць беларускіх школьнікаў, разабралася са светапоглядам «бацюшкі са свастыкай» і з мінулым лідара «Румола».

Мы працягваем адсочваць маёмасць чыноўнікаў — нядаўна вылічылі Наталлю Качанаву.

Са сваімі праблемамі ў «Нашу Ніву» звяртаюцца людзі з усіх канцоў Беларусі. Сёлета, напрыклад, журналісты разбіраліся з феадалізмам у Касцюковіцкім раёне.

Чыноўнікі вымушаныя рэагаваць на расследаванні «Нашай Нівы».

Талака тады і цяпер

Нашы продкі будаваліся талакой, старажытным спосабам узаемадапамогі. Цяпер, з прыходам найноўшых тэхналогій, удзельнічаць у талацэ стала нашмат прасцей. Дастаткова мець грошы на картцы.

Неабыякавыя беларусы з ахвотай дапамагаюць грамадска важным праектам. Сродкі на паездку Віталя Гуркова на чэмпіянат свету сабралі за лічаныя дні! Талакой выдавалі па-беларуску «Хронікі Нарніі», перакладалі «Свінку Пэпу».

Як паўдзельнічаць у зборы сродкаў?

Вельмі проста. Адкрыйце на «Талацэ» нашу старонку. Унізе можна выбраць суму дапамогі — ад 10 да 1000 рублёў. Ад гэтага залежыць, якую ўзнагароду вы атрымаеце: кубак з афарызмам, ці байку з афарызмам, ці фотапрацу Гудзіліна. Мы гатовыя нават пасадзіць бульбу на вашым агародзе ).

Абярыце патрэбны варыянт (чым больш, тым лепш!) і націсніце на яго. Пасля трэба будзе зарэгістравацца на сайце — пры жаданні дастаткова аўтарызавацца праз фэйсбук ці Укантакце — і ўвесці дадзеныя сваёй банкаўскай карткі. Калі вы хочаце зрабіць унёсак ананімна, не забудзьцеся паставіць адпаведную птушку.

0
беларус / Адказаць
30.12.2016 / 21:49
Нашы ніўцы, як прыемна глядзець на вашы твары, поспехаў вам !!!
0
Гость / Адказаць
04.01.2017 / 11:02
Куда пойдут излишки ? Рэд. З гэтай сумы яшчэ будуць сплачаныя падаткі + вырабленыя прызы для фундатараў.
Каб пакінуць каментар, калі ласка, актывуйце JavaScript у наладах свайго браўзеру