Названыя самыя страшныя месцы ў свеце
Размешчаны ў Трансільваніі лес Хоя-Бачу, вядомы як Бермудскі трохкутнік Румыніі, заняў першы радок у рэйтынгу «18 самых кашмарных месцаў, якія не дадуць табе заснуць ноччу», які склаў забаўляльны сайт 9gag.com.
Хоя-Бачу называюць румынскім «Бермудскім трохкутнікам» з-за дзіўнай формы яго дрэў і невытлумачальных з'яў. Румынскі лес выклікаў вялікую цікавасць карыстальнікаў ва ўсім свеце — яму паставілі «лайк» больш за 20 тысяч чалавек.
Названы лес у гонар пастуха, які знік у ім са статкам з 200 авечак. Як адзначаецца, у таго, хто патрапіў у Хоя-Бачу ўзнікае пачуццё трывогі, магчымыя прыступы млоснасці і мігрэні, нават высыпанні на скуры. Гэты раён славіцца сваімі паранармальнымі з'явамі: НЛА, дзіўнымі гукамі і спектральнымі сутнасцямі, знятымі на камеру.
Другі радок рэйтынгу займае французская камуна Арадур-сюр-Глан. Раней на тым жа самым месцы з той жа самай назвай знаходзіўся пасёлак. Падчас Другой сусветнай нацысты дашчэнту спалілі яго і забілі кожнага жыхара. Прывіды дагэтуль блукаюць па камуне.
Таксама ў спіс трапілі і знакамітыя «вароты пекла» ў Туркменістане — газавы кратэр Дарваза. У 2010 годзе прэзідэнт краіны Гурбангулы Бердымухамедаў распарадзіўся засыпаць пракляты кратэр, але гэта даручэнне так і не было выканана.
Каментары