02.01.2017 / 18:39

Фінляндыя з размахам святкуе 100-годдзе аддзялення ад Расіі 76

Больш за сто тысяч чалавек сабраліся 1 студзеня ў Хельсінкі на канцэрт, каб адзначыць пачатак урачыстасцей з нагоды 100-годдзя незалежнасці Фінляндыі. Людзей віталі прэм'ер-міністр краіны Юха Сіпіля, каля трохсот артыстаў, а ў завяршэнне над залівам Тоёлёнлахці прагрымеў салют.

Святочныя мерапрыемствы завершацца 6 снежня, у дзень, калі фінскі парламент у 1917 годзе абвясціў незалежнасць.

У адрозненне ад краін Балтыі, у 1940 Фінляндыя вырашыла супраціўляцца Савецкаму Саюзу, калі той дзяліў з Гітлерам Усходнюю Еўропу. Краіна вынесла дзве цяжкія вайны, страціла частку тэрыторыі (Карэлію), але захавала незалежнасць. Дзякуючы гэтаму за наступныя дзесяцігоддзі ў сваім развіцці яна на парадак абагнала сваіх акупаваных суседзяў з Эстоніі і Латвіі.

Беларусь абвясціла сваю незалежнасць на год пазней за Фінляндыю, 25 сакавіка 1918-га, але не здолела ўтрымаць, бо не паспела ўтварыць уласнае войска.

Варта адзначыць, што афіцыйныя ўлады Беларусі практычна абмінулі ўвагай 25-годдзе абвяшчэння незалежнасці ад СССР, якое адбылося ў 1991 годзе. 

СГ

146
Серега / Адказаць
02.01.2017 / 18:51
Варта адзначыць, что без России Финляндия была бы частью Швеции)
10
Мікола / Адказаць
02.01.2017 / 18:55
Малайцы фіны, выкарысталі падзеі ў Расеі і аб'явілі незалежнасць. А ў 1940 г. абаранілі сваю незалежнасць ад імпэрца Сталіна. Інакш былі б падобныя на акупаваную бедную Карэлію. Дарэчы, ватнікі чамусьці лічаць, што гэта Ленін "даў незалежнасць" Фінляндыі (быццам, змагарным Ірляндыі і Індыі таксама "далі незалежнасць"). Незалежнасць НІКОМУ НЯ ЗВАЛЬВАЕЦЦА З НЕБА, за яе змагаюцца, яе дасягаюць рознымі мэтадамі (гвалтоўнымі, дыпляматычнымі і г.д.).
7
Дзядьзька ў Вiльнi / Адказаць
02.01.2017 / 19:05
Ну то хаця за Фiнлядныю парадавацца... Са сьвятам!
Паказаць усе каментары/ 76 /
Каб пакінуць каментар, калі ласка, актывуйце JavaScript у наладах свайго браўзеру