02.01.2017 / 21:46

Стаў вядомы лаўрэат стыпендыі імя Смоліча  8

Фонд Стыпендыі імя Аркадзя Смоліча складаецца з добраахвотных ахвяраванняў беларусаў. Самі фундатары выбіраюць стыпендыята. Крытэр — актыўная пазіцыя і выбітныя ініцыятывамі ў галінах культуры, навукі і сацыяльна-грамадскіх кірунках.

У 2016 годзе Рада Стыпендыі атрымала больш за 40 заявак ад студэнтаў.

Стыпендыятам выбралі студэнта 3-га курса факультэта прыкладной матэматыкі і інфарматыкі Беларускага дзяржаўнага ўніверсітэта Дзмітрыя Быліновіча з навукова-папулярным і адукацыйным праектам «Курылка Гутэнберга», які збірае вакол сябе сотні беларускіх маладзёнаў, што цікавяцца навукай.

Дзмітрый Быліновіч атрымае грамадскую стыпендыю памерам 1200 рублёў.

Летась Стыпендыю ім. Аркадзя Смоліча атрымала студэнтка архітэктурнага факультэта Беларускага нацыянальнага тэхнічнага ўніверсітэта Ганна Смірнова, якая ўжо некалькі гадоў арганізоўвае моладзевы летнік «Любча над Нёманам», каардынуе рэстаўрацыю Любчанскага замку.

Нагадаем, што Аркадзь Смоліч — выдатны беларускі географ, міністр адукацыі ў першым урадзе Беларускай Народнай Рэспублікі, які быў забіты саветамі ў 1938 годзе.

Ідэя ж стыпендыі належыць выхадцу са Жлобіна Кірылу Атаманчыку, якія цяпер займаецца турбізнэсам у Вільні.

МБ

0
Юрый / Адказаць
02.01.2017 / 22:35
Віншаванні зямлячцы!
1
Іван / Адказаць
02.01.2017 / 22:35
Цікавая дзяўчына і ідэя. Можна было інтэрв'ю ўзяць
15
васіль / Адказаць
02.01.2017 / 23:43
гэта ганьба і антыкультура..Як увогуле такое магчыма,.ці ведаюць гэтыя людзі хто такі Смоліч?група людзей стварыла фонд,удзельнікі якога вырашылі, што грашовы ўнесак дае ім права простым галасаваннем прысвойваць імя Смоліча за.." актыўную пазіцыю"..У гэтым ва ўсім відавочна прыніжэнне і непавага да выдатнага нацыянальнага дзеяча беларускай гісторыі і культуры! Увогуле якое дачыненне да нейкіх сацыяльных ініцыатыў .па замеру ціску ў шпіталях можа мець , Смоліч?...На чарзе "ініцыатывы" па дабраўпарадкаванню двароў і збіранню смецця..
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру