Сёння, 5 студзеня, чакаецца рэзкае пахаладанне, паведамляе Гідрамет.
На большай частцы тэрыторыі пройдзе снег, у асобных раёнах мяцеліца, па паўднёвым усходзе — слабы галалёд. На дарогах слізка. Вецер паўночны, моцны, парывісты.
Максімальная тэмпература паветра -8.. -16°С, па паўднёвым усходзе -1.. -7°С.
У Мінску: кароткачасовы снег, слабая мяцеліца. Максімальная тэмпература паветра -9..- 11°С, на працягу дня паніжэнне да -13..- 15°С.
А сёмай раніцы ў Мінску было мінус 7.
У наступныя дні стане яшчэ халадней. У пятніцу ў краіну пачне паступаць халоднае арктычнае надвор'е.
«Самыя халодныя дні ў нас чакаюцца на святы 7 і 8 студзеня. Тэмпература паветра ў суботу ноччу будзе ад 16 да 23 градусаў марозу, пры праясненнях мінус 24-27 градусаў. У нядзелю — яшчэ на некалькі градусаў халадней, ноччу чакаецца 18-25 ніжэй за нуль, пры праясненнях да мінус 28. Пры гэтым чакаецца яшчэ і паўночны вецер, які істотна ўзмоцніць уплыў маразоў», — адзначыў учора на брыфінгу Дзмітрый Рабаў.
Сіноптык растлумачыў, што калі тэмпература будзе мінус 25, то паўночны вецер дабавіць яшчэ градусаў 7-8. «Тэмпература камфортнасці будзе значна ніжэйшай, таму сітуацыя чакаецца складанай, асабліва ў святочныя дні. Таксама ў бліжэйшы час нас чакаюць рэзкія перапады атмасфернага ціску і тэмпературы, што будзе ўплываць на самаадчуванне метэазалежных людзей», — расказаў ён.