06.01.2017 / 20:25

Удакладненыя медпаказанні, па якіх кіроўцы і пасажыры могуць не прышпільвацца 2

Міністэрства аховы здароўя Беларусі ўдакладніла пералік медыцынскіх паказанняў, якія дапускаюць непрышпільванне кіроўцаў і пасажыраў рамянямі бяспекі. Адпаведнае рашэнне ўтрымліваецца ў пастанове №126 ад 14 снежня 2016 года, паведамляе БелТА са спасылкай на Нацыянальны цэнтр прававой інфармацыі Беларусі.

Так, права не прышпільвацца рамянямі бяспекі даецца кіроўцам і пасажырам, якія знаходзяцца ў стане пасля імплантацыі кардыёстымулятара (кардыёвертэра-дэфібрылятара, рэсінхранізуючай прылады) у правую падключычную вобласць. Акрамя таго, кіраваць транспартным сродкам, не прышпільваючыся рамянём бяспекі, могуць жанчыны-кіроўцы ў тэрміне цяжарнасці больш за 20 тыдняў.

Пастанова ўступае ў сілу праз 15 дзён пасля яе афіцыйнага апублікавання.

0
Казік / Адказаць
06.01.2017 / 20:48
Прапаную у спіс дадаць невылечна хворых, дзяржслужачых і сябрау БРСМ
0
Жыхар / Адказаць
06.01.2017 / 22:15
Если бы я была не пристегнута после 20 недели, то попав в аварию (на пассажирском месте, лобовое) прошибла бы лобовик или вылетела. Месяц болела грудная клетка. Слава Богу, ребенок в школу ходит, все обошлось. Поэтому не знаю...
Каб пакінуць каментар, калі ласка, актывуйце JavaScript у наладах свайго браўзеру