07.01.2017 / 11:50

Аварыя пакінула 1,4 тысячы жыхароў Пухавіцкага раёна без цяпла і гарачай вады 5

Без цеплазабеспячэння і гарачай вады засталіся 1,4 тыс. жыхароў 35 шматкватэрных дамоў у Пухавіцкім раёне, адпаведная інфармацыя размешчаная на сайце Мінскага абласнога ўпраўлення МНС.

Па стане на 6.00 7 студзеня без цеплазабеспячэння і гарачага водазабеспячэння з-за прарыву трубаправода цеплатрасы заставаліся жыхары 35 шматкватэрных жылых дамоў у пасёлку Праўдзінскі Пухавіцкага раёна.

Паведамленне пра прарыў трубаправода цеплатрасы дыяметрам 273 мм у пасёлку Праўдзінскі па вул. Цэнтральнай паступіла 6 студзеня ў 16.22. Без цяпла і гарачай вады заставаліся 45 шматкватэрных жылых дамоў, інтэрнат, сярэдняя школа і дзіцячы сад, бальніца. Для рамонтна-аднаўленчых работ прыцягнутыя 11 чалавек і 3 адзінкі тэхнікі.

У 00.30 7 студзеня работы па замене пашкоджанага ўчастка завершаныя, ажыццяўляецца пуск цепланосьбіта ў сістэму і павышэнне ціску ў сеткі. Па стане на 6.00 застаюцца без цеплазабеспячэння і гарачага водазабеспячэння 35 шматкватэрных жылых дамоў (1,4 тыс. чалавек). На месцы аварыі працуе КЧС раёна, падрыхтаваны месцы для часовага размяшчэння людзей, аўтатранспарт для дастаўкі, забеспячэнне харчаваннем.

Акрамя таго, без цеплазабеспячэння з-за прарыву трубаправода цеплатрасы застаецца адзін 10-кватэрны дом у вёсцы Пятроўшчына Маладзечанскага раёна.

Хочаш падзяліцца важнай інфармацыяй ананімна і канфідэнцыйна?

nn.by

0
Э / Адказаць
07.01.2017 / 12:27
Усе на Русаковічы )
0
Driver / Адказаць
07.01.2017 / 13:16
сяджу каля каміна, гляджу як гараць дровы, і па-добраму зайздрошчу людзям, у каторых "цэнтральнае цеплазабеспячэнне"
0
Ноу проблемс / Адказаць
07.01.2017 / 13:27
16 резиденций хорошо обогреваются...
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру