07.01.2017 / 18:51

Беларусы Варшавы стварылі інтэлектуальны клуб 2

5 студзеня беларусы Варшавы сабраліся ў адкрытай прасторы «Duży Pokój», каб згуляць у «Што? Дзе? Калі?». Беларускі інтэлектуальны клуб з'явіўся ў сталіцы Польшчы ўпершыню, але адразу сабраў шэсць каманд. Агулам на першым «пасяджэнні» было 37 удзельнікаў.

Знатакі згулялі 36 пытанняў. Пераможца — каманда «Ёжы лес» — дала на іх 22 дакладныя адказы. Дарэчы, лідары турніру прыехалі ў Варшаву з Прагі, а за сталом у іх былі не толькі беларусы, але і азербайджанцы. 

«Сярод удзельнікаў гульні былі таксама палякі і ўкраінцы. Каб усе добра разумелі, пытанні былі па-руску. Але было пытанне пра «Белшыну», — распавядае Аляксандр Лапко, адзін з арганізатараў гульні. — Дарэчы, думаем зрабіць інтэлектуальную гульню на беларускай мове ў Беларускім доме».

Учорашняя гульня скончылася такім пытаннем:

«На карціне XV стагоддзя галаўны ўбор аднаго з іх ляжыць на зямлі, падкрэсліваючы непараўнальна меншую сілу ўлады зямной. Назавіце іх словам, якое прыйшло са стараславянскай».

Адказ вы даведаецеся, калі вылучыце колерам наступную вобласць: вешчуны. Каментарый: у Босха ёсць трыпціх «Пакланенне вешчуноў». Біблейныя вешчуны, як вядома, былі царамі. А ў Польшчы 6 студзеня адзначаецца Свята трох каралёў.

Неўзабаве варшаўскі клуб «Што? Дзе? Калі?» плануе зладзіць наступную гульню. За раскладам можна сачыць на старонцы клуба ў Facebook.

Хочаш падзяліцца важнай інфармацыяй ананімна і канфідэнцыйна?

0
2*2=5 / Адказаць
08.01.2017 / 00:57
Калісьці Уладзімер Высоцкі спяваў :.... остаётся только материться !... І навошта Захад "уваліў" у беларускую справу сотні мільёнаў даляраў за 20 гадоў на развіццё демакратыі і правоў чалавека ?
0
Alex / Адказаць
08.01.2017 / 21:24
Ну малайцы. У Берліне таксама ёсць падобныя клубы, якія ладзяцца праўда не беларусамі, а выхадцамі з іншых краін постсаўка. Пытанні задаюцца па-расейску, ніякай палітыкі. Прыходзяць пагуляць усе хто жадае. Праўда беларусаў пакуль бачыў няшмат. Але ж, тым не меней беларусы таксама ё!
Каб пакінуць каментар, калі ласка, актывуйце JavaScript у наладах свайго браўзеру