07.01.2017 / 20:38

Памёр Марыу Саарэш — бацька сучаснай дэмакратычнай Партугаліі 9

У суботу ва ўзросце 92 гадоў памёр былы прэзідэнт Партугаліі Марыу Саарэш.

Саарэш быў заснавальнікам Сацыялістычнай партыі Партугаліі і многія дзесяцігоддзі заставаўся адным з самых уплывовых палітыкаў сваёй краіны.

Яго называлі бацькам сучаснай дэмакратычнай Партугаліі.

У розныя гады пасля звяржэння дыктатуры Салазара ў красавіку 1974 года ён займаў пасады міністра замежных спраў, прэм'ер-міністра і прэзідэнта, а таксама дэпутата Еўрапарламента.

Дзякуючы яго дыпламатычным намаганням на пасадзе прэм'ер-міністра Партугалія стала членам Адзінай эканамічнай супольнасці (ЕЭС), пасля ператворанай у Еўрасаюз.

Reuters.com

Саарэш быў прызнаным аратарам, харызматычным лідарам, які карыстаўся любоўю публікі за свой жывы нораў, дасціпнасць і чалавечае абаянне.

Сам пра сябе ён казаў, што рухаецца «велізарнай прагай жыцця і каласальнай дапытлівасцю».

«Я бедны чалавек, які меў шчасце стаць на абарону прынцыпаў і мець рацыю», - сказаў ён у інтэрв'ю ў лютым 2015 года.

6
Джон Жарптушкін / Адказаць
07.01.2017 / 21:20
Разваліў краіну...
3
Шпэнглер з-пад Эўропы / Адказаць
07.01.2017 / 23:14
Дзядзьку, гэта Марсэлу Каэтану разваліў. Пры ім калоніі адышлі. Вікіпедыю паглядзі..
3
Неслучайный прохожий / Адказаць
07.01.2017 / 23:35
З пункту погляду марксістаў-апартуніст. У свой час нагадзіў Саюзу.Пасля рэвалюцыі "чырвоных гваздзікоў" савецкія газеты выходзілі з загалоўкамі- "Будущее Португалии-социализм". А тут з'явіўся гэты сыцыяліст, стаўленік імперыялістаў. Але Анголу-Мазамбік мы ў іх на час адарвалі.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру