Але кампанія «Будзьма беларусамі!» вырашыла не пакідаць тых, хто не паспеў набыць каляндар у самоце і падрыхтавала цудоўны постнавагодні падарунак! На яе замову студыя дызайнера Ігара Назаранкі, як і ў мінулыя гады, зрабіла мабільную версію календара, якая ўжо дасяжная для бясплатнага спампоўвання для прылад на платформах iOS і Android!
Мабільная версія календара аб’яднала мінулагодні і сёлетні календары, а гэта ўжо болей за 700 арыгінальных вясёлых малюнкаў ад мастачкі Дар’і Мандзік, падпісаных сакавітымі беларускімі словамі і словазлучэннямі, якія прыставанне будзе даваць у рандомным парадку.
Усталёўваем бясплатнае дастасаванне для iOS і Android!
Не маўчым па-беларуску ў 2017 годзе разам!
