11.01.2017 / 13:47

Прарасійскі актывіст заявіў, што кіроўцу аўтобуса «маладафронтаўцаў» аштрафавалі за бел-чырвона-белы сцяг. Але гэта не так 30

Арцём Агафонаў, які раней быў сябрам Аб'яднанай грамадзянскай партыі, а цяпер актыўнічае ў прарасійскіх ініцыятывах, размясціў на сваёй старонцы ў Фэйсбуку «пераможны ліст» з Валожынскага РАУС. У паведамленні напісана, што кіроўца фірмы «Трансфілд» Віктар Бразоўскі аштрафаваны за парушэнне правілаў дарожнага руху.

Фірма «Трансфілд» удзельнічала ў перавозцы актывістаў «Маладога фронту» у Слуцк на мітынг, прымеркаваны да ўгодкаў Слуцкага паўстання.

Як вынікае з адказу міліцыі, кіроўца аштрафаваны за парушэнне часткі 3 артыкула 194 ПДР Беларусі (забарона на ўдзел у дарожным руху транспартнага сродку з налепкамі).

Агафонаў робіць выснову, што Валожынскі РАУС адрэагаваў на бел-чырвона-белы сцяжок у салоне.

Але гэта не так. Як патлумачыў лідар «маладафронтаўцаў» Зміцер Дашкевіч, кіроўцу аштрафавалі на палову базавай велічыні за несанкцыянаваную рэкламу з нумарам тэлефона на борце аўтобуса. Цяпер надпіс узгоднены, таму Віктар Бразоўскі можа і надалей аказваць транспартныя паслугі.

А сцяжок проста знаходзіўся ў салоне, а не быў прымацаваны да шкла.

74
слоеный / Адказаць
11.01.2017 / 13:56
Всегда знал, что у Дашкевича плохо с русским языком. Четко же в ответе написано "...посторонних предметов на ветровом стекле...". Где Дашкевич увидел за рекламу на борту? Рэд. Там у запыце было аб прадметах на ветравым шкле, а не ў адказе?
3
Аляксандр / Адказаць
11.01.2017 / 14:07
Вялікі дзякуй шаноўнаму кіроўцу за патрыятызм! Хацеў бы толькі крыху паправіць: у лацінічнай транскрыбцыі назва беларускай сталіцы будзе Miensk, са змякчальным "і", іначай назва горад будзе чытацца як "Мэнск". Поспехаў у працы!
48
Дон / Адказаць
11.01.2017 / 14:16
Што за "Мэнск" спераду?
Паказаць усе каментары/ 30 /
Каб пакінуць каментар, калі ласка, актывуйце JavaScript у наладах свайго браўзеру