12.01.2017 / 06:27

CNN адказаў Трампу на словы пра «фэйкавыя навіны» 9

Публікацыя тэлеканала CNN з «старанна адабранымі крыніцамі» аб дзейнасці ўрада ЗША істотна адрозніваецца ад публікацыі выдання Buzzfeed з «непацверджанымі дадзенымі». Пра гэта гаворыцца ў паведамленні на сайце тэлеканала.

Як сцвярджае тэлеканал, каманда абранага прэзідэнта ЗША Дональда Трампа ведае пра гэта і «наўмысна выкарыстоўвае інфармацыю Buzzfeed, каб адцягнуць увагу ад звестак CNN, якія таксама перадавалі і іншыя СМІ».

«Мы ўпэўненыя ў нашых дадзеных. Яны аснова таго, што абараняе Першая папраўка [да Канстытуцыі], інфармуючы людзей аб унутранай працы ўрада», вынікае з паведамлення тэлеканала. Гаворка ідзе пра матэрыялы брыфінгу, якія былі падрыхтаваныя для прэзідэнта ЗША Барака Абамы і Дональда Трампа на мінулым тыдні, адзначае CNN.

Тэлеканал CNN са спасылкай на крыніцы, знаёмыя са зместам брыфінгаў, паведаміў аб наяўнасці ў Расіі кампрамату на абранага прэзідэнта ЗША напярэдадні, 11 студзеня. Інфармацыя, як адзначаў тэлеканал, была атрымана ад былога супрацоўніка брытанскай разведкі.

33
Ражэ Гарадзi / Адказаць
12.01.2017 / 07:52
Ну так! CNN старана і точна перадае усю лухту, якую перадае адміністрацыя Барака Хуссейнавіча пра Трампа!) Не прычэпішься!..
7
Скенари / Адказаць
12.01.2017 / 08:25
Погубят старика писающие девки.
6
Мордехай В. / Адказаць
12.01.2017 / 08:30
Фэйкавы палітык з дапамагой фэйкавых навін абвяргае фэйкавыя злівы сваіх фэйкавых здзелак. Апафігей постмадэрнізму.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру