12.01.2017 / 17:11

Кандыдат Трампа ў дзяржсакратары падтрымлівае санкцыі супраць Масквы 2

Кандыдат на пост дзяржсакратара ЗША Рэкс Тылерсан сказаў у сераду, што на гэты момант падтрымлівае захаванне санкцый і разумее, што хаўруснікі па НАТА ў Еўропе не дарма турбуюцца адносна агрэсіі Масквы.

wsj.net

У той жа час Тылерсан адмовіўся назваць прэзідэнта Расіі Уладзіміра Пуціна ваенным злачынцам і не выключыў змен у санкцыйнай палітыцы, адзначыўшы, што пакуль не бачыў сакрэтнай інфармацыі пра ўмяшальніцтва Крамля ва ўнутраныя справы ЗША, піша Reuters. 

Абраны прэзідэнтам Дональд Трамп прапануе кандыдатуру Тылерсана, былога кіраўніка кампаніі Exxon Mobil, на пост кіраўніка знешнепалітычнага ведамства ЗША. Некаторыя каментатары казалі, што ягоныя сувязі з нафтавым сектарам Расіі могуць паўплываць на палітыку ЗША адносна Масквы.

Тэма Масквы была асноўнай падчас 9-гадзінных слуханняў у Сенаце, якія былі прысвечаныя зацвярджэнню Тылерсана на пост дзяржсакратара.

Тылерсан назваў прычынай агрэсіі Расіі супраць Украіны «адсутнасць амерыканскага лідарства» і сказаў, што ЗША павінны былі заняць больш жорсткую пазіцыю, каб стрымаць Маскву.

«Я выступаю за меры, якія стрымаюць і папярэдзяць далейшае пашырэнне варожых дзеянняў», — сказаў Тылерсан.

Аляксандр Гелагаеў

0
сёння падтрымлівае, а заўтра? / Адказаць
12.01.2017 / 20:02
"Сябр" Сечына, сам так гаварыў. А больш няма каго? дзіўна.
0
Мордехай В. / Адказаць
13.01.2017 / 07:03
Как старый нефтяник из Техаса, Рекс Тиллерсон вполне себе представляет гешефт на иранской модели. Россию постепенно изолируют - но поскольку ей нужно кушать, то точно также как Иран, через несколько ближневосточных, сингапурских и оффшорных компаний она будет продавать нефть с хорошим гешефтом для всех участников цепочки. Сделка Роснефти, которая спасла россиянский бюджет на несколько месяцев, именно подстилка под то, что люди, которым доверяют обе стороны - будут готовы на такой случай. Ключевым игроком будет Лондон, который отмывает практически все российские деньги.
Каб пакінуць каментар, калі ласка, актывуйце JavaScript у наладах свайго браўзеру