14.01.2017 / 00:01

Кіпрскі афшор выкупіў раней невядомую рэзідэнцыю пад Радашковічамі ВІДЭА 30

Тэлеканал «Белсат» апублікаваў відэа, знятае каля сядзібы «Краснасельскае». Месца яе знаходжання пазначана на карце як вёска Пральня Мінскага раёна (кіламетр ад вёскі Кукелеўшчына і прыблізна 7 кіламетраў ад мястэчка Шаршуны). Гэта накірунак Радашковічаў.

«Знак на дарозе забараняе ўезд. Тым не менш па кароткай шашы, якую бесперапынна чысціць спецтэхніка, курсуюць дзясяткі аўтаў. Сярод іх мы сустрэлі службу чысткі басейнаў і джакузі. Адзінае выйсце — кінуць транспарт і пайсці пешкі. Перад уязною брамаю — міліцыя, якую мясцовыя раяць нам абыходзіць. Тэрыторыю агароджвае плот са шчыльна расстаўленым відэаназіраннем. Бачна, што спадарожнікавыя здымкі значна састарэлі. Тэрыторыя выглядае, хутчэй, як санаторый, а не як будаўнічая пляцоўка. Тут жа і месца для пасадкі верталётаў», — паведамляе «Белсат». Журналістам удалося зрабіць здымкі з паветра.

Сядзіба займае каля 11 гектараў на беразе ракі Удры. Уласнікам з’яўляецца Рэспубліка Беларусь, аднак участак на 100 гадоў узяты ў арэнду замежным будаўнічым унітарным прадпрыемствам «СертусАвія». Гэта расійская кампанія, адзіная ўзгадка пра яе была ў 2012 годзе. Тады «СертусАвія» будавала ангар у аэрапорце «Мінск-2».

Далей сляды заблытваюцца яшчэ мацней.

Будынкі на тэрыторыі таямнічай рэзідэнцыі належаць кіпрскай афшорнай кампаніі. «Блатберг Холдынгс Лімітэд» з Нікасіі выкупіла яе ў 2012 годзе. Прычым прадаўцамі былі разам «СертусАвія» і «Дыпсервіс».

«Дыпсервіс» — арганізацыя, у абавязкі якой уваходзіць забеспячэнне дзейнасці вышэйшых службовых асобаў, у тым ліку прэзідэнта. Большасць рэзідэнцый Аляксандра Лукашэнкі належыць менавіта «Дыпсервісу».

І вось гэтая арганізацыя прадала будынкі кіпрскаму афшору. Грошы засвяціліся сур'ёзныя — адна толькі драўляная лазня плошчай менш за 50 м2 каштавала $1,04 мільёна!

Старое спадарожнікавае фота.

Прычым калі ўласнік змяніўся, то гаспадарчае вядзенне засталося за расейцамі з «СертусАвія».

Гэта першы выпадак у гісторыі Беларусі, калі адна з рэзідэнцый пераходзіць з-пад кантролю «Дыпсервіса» ва ўласнасць невядомых афшорных кампаній.

Чытайце таксама:

Усе рэзідэнцыі прэзідэнта Беларусі: ад «Драздоў» да роднай хаты — фоты

Ягор Марціновіч

0
Пикачу / Адказаць
14.01.2017 / 00:08
Сами себе строят, потом сами у себя покупают через овшоры а по документам получается что купил "иностранный инвестор"...остап бендер отдыхает.
0
Алег / Адказаць
14.01.2017 / 00:32
Гэты комплекс цалкам здалі толькі пад канец гэтага года, там жаж ,па чутках, Лукашэнка адзначаў Новы год . Калі адразу пасля адбудовы комплекс прадаецца, мабыць папахвае фінасавымі круцельствамі, прычым у буйных памерах.
37
Е / Адказаць
14.01.2017 / 00:46
Что тут невядомага, резиденция эта давно там, может еще с советских времен, во всяком случае в 90-е уже точно была и гоняли там, запрещали купаться и рыбачить, и все местные знали, что президзенцкае там.. Тоже мне, пинкертоны. И это не берег реки Удра, это водохранилище на ней.
Паказаць усе каментары/ 30 /
Каб пакінуць каментар, калі ласка, актывуйце JavaScript у наладах свайго браўзеру