Беларускі інстытут стратэгічных даследаванняў (BISS), у сувязі са сканчэннем кадэнцыі, абвяшчае конкурс на пасаду акадэмічнага дырэктара.
Акадэмічны дырэктар прызначаецца Сходам пайшчыкаў і падсправаздачны Савету інстытута. Сумесна з адміністрацыйным дырэктарам і Саветам інстытута акадэмічны дырэктар распрацоўвае стратэгію развіцця інстытута і ажыццяўляе яе эфектыўную рэалізацыю.
Акадэмічны дырэктар выконвае наступныя асноўныя функцыі:
1. Кіраўніцтва падрыхтоўкай, планаваннем і каардынацыяй даследчых і аналітычных праграм BISS;
2. Распрацоўка акадэмічных стандартаў публікацый BISS, працэдур кантролю іх якасці;
3. Забеспячэнне праграмнай інтэграцыі розных інстытуцыйных праектаў, у прыватнасці даследаванняў, рэгулярнай аналітыкі і інш.;
4. Упраўленне прадстаўніцтвам BISS на навуковых і экспертных пляцоўках;
5. Кіраўніцтва падрыхтоўкай кніг, артыкулаў, аналітычных запісак, публіцыстычных матэрыялаў BISS;
6. Кіраўніцтва працай стыпендыятаў, стажораў, іншых удзельнікаў даследаванняў і праграм BISS, якія непасрэдна не звязаны з інстытутам.
Сумесна з адміністрацыйным дырэктарам BISS ажыццяўляе:
1. Планаванне дзейнасці BISS і складанне гадавых бюджэтаў;
2. Пошук фінансавання і распрацоўку праектных прапаноў для атрымання фінансавання;
3. Падтрыманне кантактаў з донарамі, стэйкхолдэрамі і партнёрскімі арганізацыямі;
4. Удзел у працы па падтрыманні сувязяў з грамадскасцю, у тым ліку па развіцці вэбсайта BISS, прадстаўленасці ў сацыяльных сетках і медыя;
5. Кіраўніцтва падрыхтоўкай мерапрыемстваў BISS (прэзентацыі, канферэнцыі, круглыя сталы і г.д.).
Кваліфікацыйныя патрабаванні:
1. Наяўнасць навуковай ступені ў галіне сацыяльных навук. Перавага будзе аддадзена кандыдатам з заходняй ступенню PhD. Мінімальнае патрабаванне - абароненая кандыдацкая дысертацыя.
2. Як мінімум пяцігадовы вопыт акадэмічнай працы або працы ў даследчых інстытутах і think-tanks.
3. Свабоднае валоданне (магчымасць свабодна размаўляць, пісаць навуковыя матэрыялы, рэдагаваць, перакладаць з/на) беларускай, рускай і англійскай мовамі.
4. Экспертыза ў «беларускай тэматыцы»: палітыка, эканоміка, грамадства.
Кандыдат павінен быць гатовы да:
- Працы ў маладым калектыве, які дынамічна развіваецца;
- Афармлення па аўтарскай дамове з літоўскай арганізацыяй BISS;
- Высокай ступені нявызначанасці і адсутнасці магчымасці ў BISS гарантаваць доўгачасовыя кантракты з забяспечанымі ўмовамі працы;
- Умоваў аплаты працы, якія залежаць ад праектнай дзейнасці інстытута.
Зацікаўленыя кандыдаты павінны даслаць:
- Поўнае акадэмічнае CV;
- Матывацыйны ліст;
- Кароткі план развіцця BISS, уключаючы магчымыя асноўныя напрамкі даследаванняў (да 3 старонак тэксту)
на адрас: [email protected] да 25 студзеня 2017 г. Заяўкі, дасланыя пасля 25 студзеня, разглядацца не будуць.
Рашэнне па выбары кандыдата будзе прынята да канца лютага. Арганізацыя зкантактуецца толькі з кандыдатамі, якія прайшлі папярэдні адбор.
