14.01.2017 / 15:35

Сіноптыкі распавялі, калі нарэшце скончыцца гэты снегапад 8

Інтэнсіўнасць снегападу знізіцца ўвечары 14 студзеня.

Пра гэта паведаміў БЕЛТА дзяжурны сіноптык Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

«У другой палове дня снегапад узмацніўся, зараз ён досыць інтэнсіўна ідзе па ўсёй краіне. Толькі па паўднёвым усходзе, дзе тэмпература паветра вышэйшая, адзначаюцца ападкі ў выглядзе мокрага снегу і нават дажджу. Увечары інтэнсіўнасць ападкаў пачне слабець, але зусім снег не спыніцца — ноччу таксама будзе ісці», — растлумачыў дзяжурны сіноптык.

Да вечара 15 студзеня воблачнасці стане меней, выпадзенне снегу практычна спыніцца, узмоцняцца маразы.

Па стане на раніцу 14 студзеня, вышыня снежнага покрыва ў цэлым па краіне складала ад 5 да 24 см. «У Мінску раніцай было 16 см, цяпер каля 20 см», - растлумачылі ў Гідрамеце.

0
Юрась Беларус / Адказаць
14.01.2017 / 15:44
Здароў, марозны, звонкі вечар! Здароў, скрыпучы, мяккі снег! Мяцель не вее, сціхнуў вецер, I волен лёгкіх санак бег. Як мары, белыя бярозы Пад сінявой начной стаяць, У небе зоркі ад марозу Пахаладзеўшыя дрыжаць. Вільготны месяц стуль на поле Празрысты, светлы стоўп спусціў I рызай срэбнаю раздолле Снягоў сінеючых пакрыў. Ўзрывайце ж іх санямі, коні! Звіні, вясёлых бомаў медзь! Вакол лятуць бары і гоні, Ў грудзях пачала кроў кіпець. (Максім Багдановіч)
0
Надюха / Адказаць
14.01.2017 / 18:52
Да нiчога такога. Учора 2 разы снег чысцiла, сёння 3. А снег iдзе яшчэ большы.
1
Вектор / Адказаць
14.01.2017 / 19:23
Любота, братцы! снег лятае, Ды так спакойна, так цiхутка! Куды нi глянь - усё бялютка. А тыя лёгкiя пушынкi, Здальнейшых ручак кружавiнкi, Сухiх чаротаў чуць крануцца, То так жа люба засмяюцца, То цiха-цiха загамоняць, То штось шушукнуць, то зазвоняць (Якуб Колас)
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру