17.01.2017 / 22:25

Адміністрацыя прэзідэнта ўзяла на кантроль справу баранавіцкага школьніка, які пакончыў з сабой 3

Пра гэта напісана ў адказе на зварот маці школьніка ў Адміністрацыю прэзідэнта Рэспублікі Беларусь. У лісце таксама напісаныя і спачуванні жанчыне, паведамляе Intex-press. 

Таццяна — маці вучня адной з баранавіцкіх школ, які скончыў жыццё самагубствам 22 снежня — лічыць, што ў яго смерці вінаватая школа. Таццяна і іншыя сваякі ўпэўненыя, што хлопчыка аднакласнікі цкавалі, а на савеце прафілактыкі 21 снежня адміністрацыя школы пагражала яму тэрмінам у калоніі.

Таццяна звярнулася ў Генпракуратуру і Адміністрацыю прэзідэнта з просьбай аб дапамозе ў расследаванні справы. Жанчына хоча, каб «каб вінаватыя панеслі пакаранне».

6 студзеня Таццяне прыйшоў адказ з Адміністрацыі прэзідэнта Рэспублікі Беларусь:

«Ваш зварот, які паступіў у Адміністрацыю прэзідэнта Рэспублікі Беларусь, накіраваны ўпраўленню Следчага камітэта Рэспублікі Беларусь па Брэсцкай вобласці з даручэннем паведаміць Вам аб выніках разгляду».

7 студзеня прыйшоў і дадатак да першага ліста:

«У дадатак да нашага ліста ад 6 студзеня 2017 года паведамляем, што Ваш зварот пастаўлены на кантроль у Адміністрацыі прэзідэнта Рэспублікі Беларусь. Прыміце нашы спачуванні…».

Таксама Таццяне прыйшоў і адказ з Генпракуратуры, у якім сказана, што зварот Таццяны «аб устанаўленні асоб, вінаватых, па яе думку, у смерці сына, і прыцягненні іх да адказнасці» накіраваны ў абласную пракуратуру.

У сваю чаргу абласная пракуратура, як відаць з яшчэ аднаго ліста, таксама накіравала зварот Таццяны ва Упраўленне Следчага камітэта па Брэсцкай вобласці «для разгляду па кампетэнцыі». Пры гэтым прозвішча загінулага падлетка ў лісце з Пракуратуры Брэсцкай вобласці напісанае няправільна.

У прэс-службе Упраўлення Следчага камітэта па Брэсцкай вобласці паведамілі, што расследаванне па факце гібелі баранавіцкага падлетка працягваецца.

У Адміністрацыі прэзідэнта адзначылі, што пастаноўка звароту Таццяны на кантроль азначае, што ў Адміністрацыі будуць сачыць за разглядам справы кампетэнтнымі органамі.

— Натуральна, пытанне праваахоўных органаў Адміністрацыя прэзідэнта не разглядае. У выпадку, калі пытанне вельмі сур'ёзнае, мы просім орган, у які накіраваны зварот, праінфармаваць нас, як разглядаецца пытанне. Безумоўна, гэты выпадак — гэта трагедыя, — паведамілі ў галоўным Упраўленні па працы са зваротамі грамадзян і юрыдычных асоб.

Хочаш падзяліцца важнай інфармацыяй ананімна і канфідэнцыйна?

0
Henri / Адказаць
17.01.2017 / 22:48
Школьны булінг (цкаваньне) стаў амаль нормай. Як водзіцца, сама ахвяра яшчэ і вінаватая ў тым, што яе цкуюць. І пэдагогі практычна не зьвяртаюць увагі
0
Моряк / Адказаць
18.01.2017 / 07:52
)))....так они всем так пишут. И поверьте. Администрация - это уже не коллектив профессионалов. За последние 10 лет она на процентов 80 стала состоять из обыкновенных второсортных бюрократов. Они ВСЕ ПОДРЯД ставят на контроль (делать же больше нечего), на контроле у них даже сила ветра и запах столовой.
0
Щаранский / Адказаць
17.08.2018 / 15:25
Где результат?
Каб пакінуць каментар, калі ласка, актывуйце JavaScript у наладах свайго браўзеру